Skuifwind

'n Skuifwind of windskuiwing (Engels: wind shear) is 'n wind met 'n verskil in spoed en/of rigting oor 'n relatief kort afstand in die atmosfeer. Atmosferiese skuifwinde word gewoonlik beskryf as óf vertikaal óf horisontaal. 'n Vertikale skuifwind is 'n verandering in die hoogte van 'n windspoed of -rigting. 'n Horisontale skuifwind is 'n verandering in die windspoed met 'n verandering in die syposisie vir 'n gegewe hoogte.

Cirrus uncinus-yskristalpluime wat hoëvlakskuifwinde toon, met veranderings in die spoed en rigting van die wind.

Afwaartse lugtoevoer met gepaardgaande droë storms veroorsaak dat dié wolke in die Mojavewoestyn aurora borealis naboots.

'n Skuifwind is 'n meteorologiese verskynsel op mikroskaal wat oor 'n baie klein afstand voorkom, maar verbind kan word met weerkenmerke op meso- of sinoptiese skaal soos stormlyne en kouefronte. Dit word algemeen waargeneem naby donderstorms, fronte, gebiede van plaaslik hoër laevlakwinde, naby berge, geboue, windopwekkers en seilbote. Skuifwinde het 'n beduidende uitwerking op die beheer van 'n vliegtuig, en dit was die enigste of 'n bydraende oorsaak van baie vliegongelukke.

Klankbeweging deur die atmosfeer word beïnvloed deur skuifwinde, wat die golffront kan buig en kan veroorsaak dat geluide gehoor word waar dit normaalweg nie gehoor sou wees nie. 'n Sterk vertikale skuifwind binne die troposfeer inhibeer ook die ontwikkeling van tropiese siklone, maar help om individuele donderstorms in langer lewensiklusse te organiseer, wat dan strawwe weer kan veroorsaak. Die termiesewindkonsep verduidelik hoe verskille in windspoed op verskillende hoogtes afhanklik is van horisontale temperatuurverskille en verduidelik die bestaan ​​van die straalstroom.

Skakels

• Hierdie artikel is in sy geheel of gedeeltelik uit die Engelse Wikipedia vertaal.