Slag van Lexington en Concord

Die Slag van Lexington en Concord het plaasgevind op 19 April 1775 tydens die Amerikaanse Rewolusionêre Oorlog. Dit was die eerste slag van die oorlog.

Slag van Lexington en Concord
Deel van Amerikaanse Rewolusionêre Oorlog
Die Slag van Lexington
Datum 19 April 175 Ligging Lexington en Concord, Massachusetts Resultaat Oorwinning deur die 13 kolonies, begin van die Amerikaanse Rewolusionêre Oorlog
Strydende partye
Massachusettsbaai	Koninkryk van Groot-Brittanje
Bevelvoerders
John Parker James Barrett John Buttrick William Heath Joseph Warren Isaac Davis (†)	Francis Smith John Pitcairn Hugh Percy
Sterkte
Lexington: 77 Concord: 400 Einde van die slag: 3 800	Terugtog na Boston 700 Lexington: 400 Concord: 100 Einde van die slag: 1 500
Ongevalle
49 gesneuweldes 39 gewondes 5 vermiste	73 gesneuweldes 174 gewondes 53 vermiste

Agtergrond

Nadat die Amerikaanse Kongres die eerste vergader het in 1774 het die Amerikaanse leiers begin om militêre voorraad op te bou. Een van die magasyne was by Concord, Massachusetts ongeveer 26km vanaf Boston. Op die aand van 18 April 1775 het die Goewerneur van Massachusetts, generaal Thomas Gage, 800 soldate gestuur onder bevel van Luitenant-Kolonel Francis Smith en Majoor John Pitcairn, om die magasyn te verower. Die Amerikaners was egter vroegtydig gewaarsku deur Paul Revere en ander persone.

Die Slag

Die eerste skote word geskiet op die oggend van 19 April 1775 by Lexington waar 70 Minutemen onder bevel van Kaptein John Parker die Britsemag inwag. Daar was nooit bepaal wie die eerste skote geskiet het nie maar 8 Koloniste sterf en die Britsemag marsjeer voort na Concord. Die plaaslike militêre by Concord het egter die magasyn leeggemaak en voorberei om dit te verdedig. Hulle val die Britsemag by North Bridge aan en wond 14 soldate. Die Britte val terug na Charleston. Tydens hulle terugval sluit nog 4,000 persone by die Amerikaners aan en hulle treiter die Britte op hulle terugtog. Die Britte verloor 275 soldate waarvan 73 gesneuwel het.

Gevolge van die Slag

Die 19 April was dus die eerste, openlike geveg tussen die Amerikaners en die Britte. Dit het 'n groot invloed op die openbare opinie gehad. Baie persone wat voorheen onseker was, was nou oortuig dat oorlog met die Britte die enigste oplossing was. Die Amerikaanse leiers het die kans gebruik om op die Britse mag se wandade te wys. Die Britte het egter nie kans gehad vir wandade nie, hulle was goed verslaan deur die Amerikaners tydens hulle terugtog.

Bron

• Collier's Encyclopedia, Crowell-Collier Educational Corporation, Volume 14, Bladsy 535.