Slagyster
'n Slagyster is 'n apparaat waarmee diere (maar ook soms mense) gevang word. 'n Tipiese slagyster het 'n snellerplaat (of trapplaat) met twee geveerde kake. Sommige het verstelbare snellerplate om te verhoed dat kleiner diere dit nie aftrap nie. 'n Anker word gebruik om die slagyster vas te pen, sodat diere wat gevang is nie daarmee wegloop nie.[1]
Die slagyster se kake word oopgerek om die slagyster te stel. Lokaas word op die plaat gelaat om die spesie wat geteiken word te lok. Dit word dan in 'n lokval verskans sodat dit nie opsigtelik is nie. Sodra dit afgetrap word, slaan die kake om die slagoffer se been vas. Om pyn en skade aan diere te beperk word die kake soms met skaapvel of 'n binnebandrubber oorgetrek.
In Suid-Afrika word slagysters soms teen rooikatte en rooijakkalse ingespan om veeverliese te beperk. 'n Permit moet bekom word alvorens 'n slagyster gebruik mag word.[2]
Verwysings
wysig- ↑ Verantwoordelike roofdierbestuur[dooie skakel], besoek op 17 Oktober 2014
- ↑ Ongediertes makliker gevang met slim planne[dooie skakel], Landbouweekblad, 3 September 1999
