Maak hoofkeuseskerm oop
'n Slapskyf

'n Slapskyf is 'n databergingmedium wat bestaan uit 'n dun, slap, magnetiese medium wat in 'n vierkantige/reghoekige plastiekomhulsel verpak word. Slapskywe is by IBM in 1967 deur Alan Shugart uitgevind en was oorspronklik 8 duim / 200 mm groot. Die eerste persoonlike rekenaar wat 'n slapskyfleser gehad het, is in 1981 deur IBM vervaardig. Later is ook 5¼ duim / 133⅓ mm skywe vervaardig en meer onlangs die algemene 3½-duim / 90 mm stiffie. Slapskywe was sedert die middel van die sewentigerjare tot in die laat negentigs 'n gewilde medium vir databerging. Alhoewel slapskywe steeds 'n beperkte gebruik geniet, is USB-skywe, CD-ROM's en DVD-ROM's tans meer algemeen.