Sneeu-engel
| Hierdie artikel is 'n weesbladsy. Dit is nie geskakel of in ander bladsye ingesluit nie. Help Wikipedia deur na moontlike teks te soek en 'n skakel hierheen te plaas. |
'n Sneeu-engel is 'n mensafdruk in die sneeu wat die vorm van 'n engel het. Die maak van 'n sneeu-engel is 'n algemene speletjie onder die jeug (veral in die Noordelike Halfrond, waar sneeu volop is in die winter).
Metode
wysigDie skep van 'n sneeu-engel is eenvoudig. Eerstens word 'n gelyke, ongeskonde oppervlak sneeu gevind. Tweedens lê mens met uitgestrekte arms en bene in die middel van die sneeu. Die ledemate word dan heen en weer gevee sodat daar 'n trog gevorm word in die sneeu. As dit klaar is, moet die sneeu-engel die vorm hê van 'n engel - die bewegende arms het die vlerke gevorm en die bene die jurk.
Huidige wêreldrekord
wysigOp 28 Maart 2007 bevestig die Guinness World Records dat Noord-Dakota die wêreldrekord gebreek het met die meeste sneeu-engele gelyktydig op een plek. Die rekord is op 17 Februarie 2007 gebreek toe 8 962 sneeu-engele deur mense geskep is in Bismarck.
