Soöplankton
Soöplankton is die heterotrofiese (soms Detritivoriese) soort plankton. Plankton is organismes wat in die oseane en varswatermere dryf. Die naam soöplankton is afgelei van die antieke Griekse woord zoon wat dier beteken en planktos wat swerwer beteken.[1] Baie soöplankton is te klein om met die blote oog waargeneem te word.
Ekologie wysig
Soöplankton is 'n breë kategorie wat 'n wye reeks organisme van verskillende groottes bevat insluitende die klein protozoas en die groot metazoas. Dit sluit in holoplankton organismes waarvan die volledige lewenssiklus in die plankton lê en die meroplankton organismes wat slegs 'n deel van hul lewenssiklus in die plankton deurbring voordat hulle verder ontwikkel. Alhoewel plankton hoofsaaklik deur die waterstrome vervoer word het baie van die organismes bewegingsmeganismes wat hulle gebruik om roofdiere te vermy of om meer prooi te vang.
Bronne en verwysings wysig
- ↑ Thurman, H. V. (1997). Introductory Oceanography. New Jersey, USA: Prentice Hall College. ISBN 0-13-262072-3.
