Soenna
In Islam is soenna, die tradisies en praktyke van die Islamitiese profeet Mohammed wat 'n model vir Moslems daarstel om na te volg. Die soenna is wat al die Moslems van Mohammed se tyd klaarblyklik gesien en gevolg het en aan die volgende geslagte oorgedra het.[1] Volgens klassieke Islamitiese teorieë,[2] word die soenna gedokumenteer deur hadit (die verbaal-oorgedraagde rekord van die leringe, dade en gesegdes, stille toestemmings of afkeuring van Mohammed),[2] en saam met die Koran (die boek van Islam), is die goddelike openbaring gelewer deur Mohammed wat die primêre bronne van Islamitiese wet en geloof/teologie uitmaak.[3][4]
Wat verskil van Sunni klassieke Islamitiese teorieë is dié van Shia Moslems, wat meen dat die Twaalf Imams die soenna interpreteer, en Sufi wat meen dat Mohammed die waardes van soenna oorgedra het deur 'n reeks Sufi-onderwysers.
Volgens Moslem-oortuiging was Mohammed die beste voorbeeld vir Moslems, en verskeie verse in die Koran verklaar sy gedrag voorbeeldig, en beveel sy volgelinge om hom te gehoorsaam. Soenna bied 'n basis nie net vir belangrike wette en rituele in Islam soos hoe om salat te bid nie, maar vir "selfs die mees alledaagse aktiwiteite", soos die volgorde waarin vingernaels geknip moet word of die korrekte lengte van 'n baard.[5]
In die pre-Islamitiese tydperk is soenna gebruik om "manier van optrede" te beteken, hetsy goed of sleg.[6] Gedurende die vroeë Islamitiese tydperk het die term verwys na enige goeie presedent wat deur mense van die verlede geskep is, insluitend beide Mohammed[6] en sy metgeselle.[3][7] Daarbenewens was die soenna van Mohammed nie noodwendig met hadith geassosieer nie.[8]
Die klassieke betekenis wat nou heers, is later in die laat tweede eeu van Islam bekendgestel, toe onder die invloed van die geleerde Al-Shafi'i, Muhammad se voorbeeld soos opgeteken in hadit voorrang geniet bo alle ander presedente wat deur ander owerhede gestel is. Die term al-sunnah is toe uiteindelik as sinoniem met die soenna van Mohammed beskou,[6] gebaseer op hadith-verslae.[8] Die opname van die soenna was ook 'n Arabiese tradisie en sodra hulle hul tot Islam bekeer het, het Arabiere hierdie gebruik ook in hul godsdiens ingevoer.[9]
Verwysings
wysig- ↑ Qazi, M.A.; El-Dabbas, Mohammed Saʿid (1979). A Concise Dictionary of Islamic Terms. Lahore, Pakistan: Kazi Publications. p. 65.
- ↑ 2,0 2,1 Brown, Rethinking tradition in modern Islamic thought, 1996: p.7
- ↑ 3,0 3,1 Abou El Fadl, Khaled (22 Maart 2011). "What is Shari'a?". ABC Religion and Ethics. Besoek op 20 Junie 2015.
- ↑ "What is the Difference Between Quran and Sunnah?". Ask Us a Question. Besoek op 20 Junie 2015.
- ↑ Brown, Rethinking tradition in modern Islamic thought, 1996: p.1
- ↑ 6,0 6,1 6,2 Juynboll, G.H.A. (1997). "Sunna". Encyclopaedia of Islam (2nd) 9. Ed. P. Bearman. Brill. 878–879.
- ↑ Hameed, Shahul (24 November 2014). "Why Hadith is Important". onislam.net. Besoek op 2 September 2015.
- ↑ 8,0 8,1 Brown, Rethinking tradition in modern Islamic thought, 1996: p.10-12,14
- ↑ Goldziher, Ignác (1981). Introduction to Islamic Theology and Law. Princeton, NJ: Princeton UP. p. 231. ISBN 978-0691072579.
Hierdie artikel is vertaal uit die Engelse Wikipedia
