Argipel

'n Argipel of eilandgroep is 'n landvorm wat uit 'n ketting of tros van eilande bestaan. Argipels bestaan meestal in die oop see. Hulle is dikwels vulkaniese eilande wat langs 'n oseaniese rug of vulkaniese warmkol ("hotspot") gevorm is. 'n Voorbeeld van 'n argipel wat deur 'n vulkaniese warmkol ontstaan het is Hawaii, 'n lang uitgerekte ketting van honderde eilande en eilandjies.

'n Satellietfoto van die Filipynse argipel.

Die vyf grootste lande wat op 'n argipel geleë is, is Indonesië, Japan, die Filippyne, Nieu-Seeland, en die Verenigde Koninkryk. Indonesië is die grootste land wat op 'n argipel geleë is. Die argipel met die grootste aantal eilande is die Argipel See in Finland.