'''Werkloosheid''' is die toestand waarin mense wat nie werk het nie, verkeer, en dit is ook die teenoorgestelde vorm van [[indiensneming]]. 'n Persoon is werkloos wanneer die persoon geen betalende [[werk]] het nie. Om nie te werk wanneer daar 'n behoefte aan 'n werk bestaan nie, kan ernstige gevolge hê, wat daartoe kan lei dat individue nie noodsaaklikhede soos [[kos]] en [[klere]] kan bekostig nie.
Werkloosheid ontstaan in die meeste ekonomieë gewoonlik as gevolg van [[onderneming]]s wat weens verskeie redes toemaak of saamsmelt, 'n vermindering in die vraag na goedere en dienste, swak indiwidueleindividuele markverwante vaardighede of te veel mense met dieselfde kwalifikasies, algemene ekonomiese agteruitgang, asook tegnologiese vooruitgang.
Werkloosheid se effek word op indiwidueleindividuele, maatskaplike en ekonomiese vlakke waargeneem. Werklose indiwidueindividue ervaar verhoogde spanningsvlakke as gevolg van die gepaardgaande [[armoede]] en gemeenskapsoordeel. Hierdie spanning kan tot gesondheidsprobleme lei, en die verminderde bekwaamheid om 'n gesonde en gebalanseerde [[dieet]] te handhaaf of om vir gesondheidsorg te betaal, kan die indiwiduindividu se gesondheid verder negatief beïnvloed. Werkloosheid maak indiwidueindividue moedeloos en verveeld, en verminder hul selfvertroue. Dit kan in ernstige gevalle tot 'n indiwiduindividu se verval in emosionele depressie lei, of 'n bydraende faktor daartoe wees. IndiwidueIndividue sonder werk kan van die sosiale netwerk onttrek, daarvan uitgesluit word, of 'n wedersydse vervreemding ervaar. Werkloosheid kan verder tot dwelmmiddelmisbruik en geweld in die gesinsverband lei.
Gemeenskappe wat deur werkloosheid geraak word, ervaar verlaagde lewenstandaarde, verergerde armoede en misdaad, en die emigrasie van vaardige indiwidueindividue uit die geraakte gemeenskap.
