Hoërskool Diamantveld: Verskil tussen weergawes

Dr. O'Grady is as eerste skoolhoof aangestel. Hy is gevolg deur dr. CF Cerff, Hannes Spangenberg, MG Heyns, Jan Auret, en Johan du Toit. Marett Hugo neem tans waar as hoof nadat Du Toit afgetree het.

 

 

Die skool is aanvanklik in die koshuis van die ou Kimberley Teachers Training College, wat in 1930 gesluit is, gehuisves. Die grondvloer is vir onderrig gebruik, en die koshuisleerlinge is op die eerste verdieping gehuisves.

Die toename in leerlingtal by Diamantveld het spoedig 'n groter skoolgebou genoodsaak. 'n Nuwe gebou vir die skool is oorweeg, maar dr. O'Grady het sy oog op die laerskoolgebou oorkant die straat gehad.

Na onderhandelinge is besluit dat 'n nuwe gebou elders vir die laerskool opgerig sou word, en dat Diamantveld na die ou kollegegebou sou verhuis. Die koshuisgebou is daarna volledig as skoolkoshuis gebruik.

 

Oor die jare heen is die skoolgebou telkens uitgebrei. Daar is egter deurgaans by die oorspronklike boustyl gehou, sodat dit vandag moeilik met die blote oog bepaalbaar is watter dele wanneer aangebou is.