Kwark: Verskil tussen weergawes

'''Kwarke''' of '''quarks''' is een van die twee basiese soorte bestanddele van [[materie]] in die [[Standaardmodel]] van [[deeltjiefisika]]. Die ander is [[lepton]]e. Hulle het ook [[antideeltjie]]s, bekend as '''antikwarke'''.

Kwarke en antikwarke is die enigste [[elementêre deeltjie]]s wat deur al vier [[fundamentele wisselwerking]]s op mekaar inwerk. Nog ’n belangrike eienskap van kwarke word inperking genoem, waarvolgens individuele kwarke nooit op hul eie in die natuur waargeneem kan word nie omdat omdat hulle altyd in [[saamgestelde deeltjie]]s genaamd [[hadron]]e (soos [[proton]]e en [[neutron]]e) ingeperk is; ’n uitsondering is die [[bo-kwark]], wat verval deur die [[swak wisselwerking]] voor ’n gebonde toestand kan vorm.