Steenbok (sterrebeeld): Verskil tussen weergawes

Die Steenbok is een van die 88 moderne konstellasies en ook een van die 48 sterrebeelde wat deur die 2de-eeuse sterrekundige [[Ptolemaeus]] genoem word. Die moderne sterrebeeld grens aan die [[Arend (sterrebeeld)|Arend]], [[Boogskutter (sterrebeeld)|Boogskutter]], [[Mikroskoop (sterrebeeld)|Mikroskoop]], [[Suidelike Vis]] en [[Waterdraer (sterrebeeld)|Waterdraer]]. Dit lê in ’n gebied van die lugruim wat as "die See" bekend is omdat dit uit baie sterrebeelde bestaan wat met water te doen het, soos die Waterdraer, [[Visse (sterrebeeld)|Visse]] en [[Eridanus (sterrebeeld)|Eridanus]]. Dit is die kleinste sterrebeeld in die diereriem en die tweede dofste naas die [[Kreef (sterrebeeld)|Kreef]].

 

[[Lêer:CapricornusCC.jpg|thumb|links|280px|Die Steenbok soos dit van die Aarde af lyk. <ref>{{cite web|url=http://www.allthesky.com/constellations/capricornus.html |title=Capricornus, the Goat - Constellations - Digital Images of the Sky |publisher=Allthesky.com |date= |accessdate=2012-05-16}}</ref>]]

Die Steenbok is ’n dowwe sterrebeeld, met net een ster wat ’n [[magnitude]] van helderder as 3 het; sy Alpha-ster is maar 3,6&nbsp;[[Magnitude|mag]].

Beta Capricorni is ’n dubbelster wat ook bekend is as Dabih. Dit is ’n geel reusester van 3,1&nbsp;mag en is 340 ligjare van die Aarde af. Die sekondêre ster is ’n blou-wit ster van 6,1&nbsp;mag. Nog ’n ster wat met die blote oog gesien kan word, is Gamma Capricorni, soms Nashira genoem; dit is ’n wit reusester met ’n magnitude van 3,7 en is 139 ligjare weg. Pi Capricorni is ’n dubbelster met ’n blou-wit hoofster van 5,1&nbsp;mag en ’n wit metgesel van 8,3&nbsp;mag. Hulle is 670 ligjare van die Aarde af en kan deur ’n klein [[teleskoop]] gesien word.{{sfn|Ridpath|Tirion|2001|pp=102-103}}

 

Die Steenbok bevat verskeie [[sterrestelsel]]s en [[sterreswerm]]s. [[Messier 30]] (NGC 7099) is ’n [[bolswerm]] wat sowat 1&nbsp;[[Booggraad|graad]] suid van die [[sterrestelselgroep]] [[NGC 7103]] geleë is. Dit het ’n magnitude van 7,5 en is in die middel gesentreer. Dit is 30&nbsp;000 ligjare van die Aarde af en het kettings sterre wat in ’n noordelike rigting strek en deur klein amateurteleskope gesien kan word.{{sfn|Ridpath|Tirion|2001|pp=102-103}}

 

’n Sterrestelselgroep wat in die Steenbok voorkom, is [[HCG 87]], ’n groep van minstens drie stelsels sowat 400&nbsp;miljoen ligjare weg met ’n [[rooiverskuiwing]] van 0,0296. Dit bevat ’n groot [[elliptiese sterrestelsel]], ’n spiraalstelsel wat van voor af gesien word en een wat van die kant af gesien word. Die tweede stelsel ondervind ’n uitsonderlike groot mate van stervorming, wat daarop dui dat dit in ’n [[interaktiewe sterrestelsel|wisselwerking]] met een of albei die ander lede van die groep is. Verder is die eerste en derde stelsel, wat albei [[aktiewe sterrestelselkern|aktiewe kerns]] het, verbind met ’n stroom sterre en [[Ruimtestof|stof]], wat daarop dui dat hulle ook interaktief is. [[Sterrekundige]]s voorspel dat die drie stelsels oor miljoene jare kan saamsmelt om ’n reusagtige elliptiese stelsel te vorm.<ref name="objects">{{Harvnb|Wilkins|Dunn|2006}}</ref>

 

[[Lêer:ZodiacalConstellationCapricornus.jpg|thumb|240px|’n Vroeë 19de-eeuse uitbeelding van die Steenbok as ’n see-bok.]]

Ondanks die feit dat die Steenbok se sterre taamlik dof is, het dit een van die oudste [[Mitologie|mitologiese]] verbintenisse omdat dit sedert die middel van die [[Bronstydperk]] uitgebeeld word as ’n mitiese figuur wat half bok en half vis is. In die [[Babilonië|Babiloniese]] mitologie is dit voor 1000&nbsp;v.C. al {{lang|sux-Latn|^MULSUḪUR.MAŠ}} "die Bok-vis" genoem. Die sterrebeeld was ’n simbool van die god [[Ea (god)|Ea]] en het die [[midwinter]] ingelui.<ref>John H. Rogers, "[http://adsabs.harvard.edu/abs/1998JBAA..108....9R Origins of the ancient contellations: I. The Mesopotamian traditions]", ''Journal of the British Astronomical Association'' '''108''' (1998) 9–28.</ref>

{{Verwysings}}

 

 

{{Sterrebeelde}}

 

[[Kategorie:Steenbok (sterrebeeld)| ]]