Oahu: Verskil tussen weergawes

'''O{{okina}}ahu''' is die derde grootste eiland in die [[Verenigde State|Amerikaanse]] deelstaat [[Hawaii]] wat ondanks sy relatief klein oppervlakte van 1 545 vierkante kilometer sowat 80 persent van Hawaii se bevolking huisves. Met [[Honolulu]] is ook die administratiewe, ekonomiese en kulturele sentrum van die deelstaat op O{{okina}}ahu geleë. Vanweë O{{okina}}ahu se strategiese ligging is sowat 'n kwart van die eiland se landoppervlakte tot militêre spergebied verklaar en is gevolglik ontoeganklik vir besoekers.▼

[[Lêer:Honolulu06.JPG|thumb|left|250px|Die kristalblou water van [[Waikiki]]strand (Honolulu)]]▼

In teenstelling met die meeste ander eilande beskik O{{okina}}ahu nie oor sy eie kleurryke bynaam nie - ''The Gathering Island'' ("Die Vergadereiland") is net 'n letterlike vertaling van die inheemse naam ''O{{okina}}ahu'', maar is geleidelik as amptelike bynaam ingeburger. Die benaming dateer vermoedelik uit die tydperk toe die verskillende Hawaise koninkryke nog onderling oorlog gevoer het en die monarge in vredestye op hierdie eiland vir samesprekings vergader het. Aangesien die grootste deel van Hawaiï se bevolking tans op die eiland gekonsentreer is en ook meer as die helfte van die jaarlikse ses miljoen toeriste op O{{okina}}ahu tuisgaan, het die naam ook 'n nuwe moderne betekenis verkry.▼

Met 'n lengte van 70 kilometer en 'n wydte van 50 kilometer het O{{okina}}ahu die vorm van 'n ruit met 'n groot skiereiland in die suidooste waar talle vulkaankraters, die grootste stad Honolulu en 'n groot aantal besienswaardighede geleë is. Twee groot bergreekse strek langs die wes- en die ooskus dwarsoor die eiland; die Koolau-reeks met 'n lengte van 50 kilometer en 'n maksimale hoogte van sowat 960 meter, en die Waianae-berge met 'n lengte van sowat 25 kilometer en 'n maksimale hoogte van 1 200 meter.▼