Wladimir Monomach: Verskil tussen weergawes

'''Wladimir II''' of '''Wladimir Monomach''' ([[Russies]]: Владимир Мономах; 1053 – 19 Mei 1125) het van 1113 tot met sy dood as grootprins oor [[Kiëf-Roes]] regeer. Hy was die seun van [[Wsewolod I van Kiëf|Wsewolod I]] en ’n dogter van keiser [[Konstantyn IX van Bisantium|Konstantyn Monomachus]] van [[Bisantium]] van wie hy die bynaam ''Monomach'' oorgeneem het (uit [[Grieks]]: "μονόμαχος" = "eensame stryder"). Sy bewind word beskou as Kiëf-Roes se Goue Era. ▼

Deur sy ma se ouma stam Wladimir af van keiser [[Romanus III van Bisantium|Romanus Argyrus]] en van die Skleroi (’n belangrike adellike familie in Konstantinopel). Hy kon sy stamboom terugspoor tot by belangrike keisers soos [[Romanus I van Bisantium|Romanus Lecapenus]] en [[Leo V van Bisantium|Leo die Armeniër]]. Dié familiebande sou ’n belangrike rol speel in sy buitelandse politiek. ▼

In sy beroemde ''Riglyne'' vir sy eie kinders, noem hy dat hy 83 militêre veldtogte gelei het. Van [[1094]] af het hy in besit gekom van die suidelike stad [[Perejaslaf]], maar hy het ook [[Rostof]], [[Soezdal]] en ander noordelike provinsies van Kiëf-Roes beheer. In dié gebiede het hy verskeie nuwe stede gestig, soos [[Wladimir]], die toekomstige hoofstad van [[Rusland]] wat na hom genoem is. Hy het ook probeer om met diplomasie vrede te bewerkstellig tussen die ou Russiese vorstedomme wat teen mekaar meegeding het. ▼

Toe [[Swjatopolk II van Kiëf|Swjatopolk II]] in 1113 sterf, het die bevolking van [[Kiëf]] in opstand gekom en Wladimir genooi om oor die hoofstad te regeer. Hy is geesdriftig ontvang en het die stad tot met sy dood in [[1125]] regeer. Hy het ook hier hervormings ingevoer met die doel om sosiale spanning in die hoofstad te kanaliseer. Onder sy bewind het Kiëf-Roes ’n laaste bloeityd beleef voor dit 10 jaar ná sy dood sou verbrokkel. ▼