Marcel Pagnol: Verskil tussen weergawes
Content deleted Content added
AHB (besprekings | bydraes) No edit summary |
AHB (besprekings | bydraes) No edit summary |
||
Lyn 35:
In Parys was hy 'n lid van 'n groep jong skrywers, en het saam met 'n medelid, Paul Nivoix, die toneelstuk ''Marchands de gloire'' geskryf wat in 1925 opgevoer is. Hierdie stuk, asook sy tweede poging, ''Jazz'', in 1926, het egter nie veel opslae verwek nie. Sy eerste deurbraak was in 1928 met die satiriese komedie ''Topaze'' wat uiteindelik meer as 800 keer in Parys opgevoer sou word.
Terwyl hy in Parys was het hy na sy geboortestad terug verlang en was hy van plan om 'n Marseillese toneelstuk te skryf, maar sy vriende het hom hiervan afgeraai. Parys en haar kultuurlewe het destyds Frankryk oorheers en hy was skrikkerig om te veel as 'n skrywer van plaaslike, nie-universieële, verhale gesien te word. Dit was egter nadat hy die Brusselse opvoering van 'n plaaslike stuk ''Le Mariage de mademoiselle Beulemans'' bygewoon het dat hy besef: "'n Werk wat plaaslik is, maar diep opreg en oorspronklik, kan partykeer deel van 'n hele land se letterkunde word, en wêreldwyd waardeer word". Hierna het hy ''Marius'', 'n verhaal wat in die hawe van Marseille afspeel, geskryf en dit word in 1929 in Parys opgevoer waar dit enorme sukses behaal, en hom landswye bekendheid besorg.
== Filmregisseur ==
Tydens 'n besoek aan Londen in 1929 het Pagnol 'n vertoning van een van die eerste praat-films bygewoon. Hy was so beindruk dat hy hom voorgeneem het om ook die filmvervaardiging te betree. Hy het Paramount Pictures gekontak en voorgestel dat sy toneelstuk Marius vir film verwerk word. Die rolprent se regisseur was Alexander Korda en is in 1931 vrygestel. Dit het een van die eerste suksesvolle Franstalige rolprente geword. Na vele versoeke van aanghangers skryf Pagnol die opvolg ''Fanny'' wat eers as toneelstuk en 'n paar maande daarna as rolprent vrygestel word. Die derde deel van hiedie reeks, wat as die ''trillogie marseillaise'' bekend staan, ''César'', is in 1936 uitgereik.
Pagnol het sy eie filmateljee in 1932 op die platteland buite Marseille gestig. Hy het hierso oor die volgende dekade 'n groot aantal films vervaardig, waartydens hy as ondermeer regisseur, bevondser, draaiboekskrywer en vertaler gewerk het, en waarin van die beroemdste Franse akteurs gespeel het. Hy is op 4 April 1946 tot die Académie française verkies, en was daarmee die eerste filmregisseur aan wie hierdie eer betoon is.
== Skrywer ==
Pagnol het in 1945 vir die tweede keer getrou, toe hy met die aktriese Jacqueline Pagnol in die huwelik tree. Hulle het twee kinders gehad, Frédéric (1946) en Estelle (1949). Hy is swaar getref toe Estelle op driejarige ouderdom oorlede is, en het van die Suide af teruggevlug Parys toe. Hy het weer toneelstukke begin skryf, maar hulle is nie goed ontvang nie. Hy het hom dus na die skryf van 'n reeks outobiografiese verhale gewend - Souvenirs d'enfance - gebasseer op sy jeug in Provence.
Die eerste deel van sy jeugherinneringe, La Gloire de mon père, is in 1957 gepubliseer en was 'n onmiddelike sukses, met meer as 50 000 verkope in die eerste maand. Die tweede deel Le château de ma mère was die beste verkoper in Frankryk in 1958. Die derde deel van die reeks Le Temps des secrets volg in 1960, maar die vierde boek Le Temps des amours word nooit voltooi nie en eers in 1977 na sy dood uitgegee.
In die tussentyd het Pagnol aan 'n tweede reeks - L'Eau des Collines - begin werk. Die tweeledige reeks het uit die boeke Jean de Florette en Manon des Sources bestaan. Die inspirasie vir hierdie reeks was die rolprent Manon des Sources wat Pagnol in 1952 met sy vrou Jacqueline in die hoofrol vervaardig het.
== Bibliografie ==
| |||