Renoster: Verskil tussen weergawes

Die Sumatraanse renoster (''Dicerorhinus sumatrensis'') is die kleinste lewende renostersoort, met 'n gemiddelde gewig van so 700-800 kg.. Alhoewel hulle oorspronklik in byna die hele Suidoos-Asië voorgekom het, is hulle deesdae kritiek bedreig, en slegs in Sumatra, Borneo en Maleisië te vinde. Daar is waarskynlik minder as 250 Sumatraanse renosters oor. Die renoster word gekenmerk deur voue in sy dik vel, wat soos ringe rondom sy lyf loop. Daar is twee voue; 'n opmerklike vou net voor sy voorpote, en een 'n minder prominente vou net voor sy agterbene.