'''Hercule-Savinien Cyrano de Bergerac''' ([[6 Maart]] [[1619]] – [[28 Julie]] [[1655]]) was ’n [[Frankryk|Franse]] [[dramaturg]] en soldaat met 'n groot neus wat in meer as 1000 tweegevegte betrokke was. Sy naam is ook die titel van ’n beroemde toneelstuk oor sy lewe (geskryf deur Edmond Rostand), en etlike flieks is op dié verhaal gegrond.<ref name="HAT Taal-en-feitegids">HAT Taal-en-feitegids, Pearson, Desember 2013, ISBN 978-1-77578-243-8</ref>
== Lewe ==
HyHercule-Savinien Cyrano de Bergerac was die seun van ’n Franse edelman, hoewel minstens een skrywer, Ishbel Addyman, beweer hy was nie ’n aristokraat nie, maar die seun van ’n vishandelaar. Volgens haar het hy [[sifilis]] gehad en was hy moontlik [[homoseksueel]]. Hy was van 1640 tot omstreeks 1653 in ’n verhouding met die skrywer en musikant Charles Coypeau d'Assoucy.<ref name="Addyman, Ishbel 2008">Addyman, Ishbel, ''Cyrano: The Life and Legend of Cyrano de Bergerac'', (Simon & Schuster, 2008), ISBN 0-7432-8619-7</ref> Daarna het hulle in ’n bitter stryd betrokke geraak en dit het gelei tot ’n reeks [[satire|satiriese]] werke deur albei mans oor die ander een.<ref name="Addyman, Ishbel 2008" />
In fiktiewe werke oor sy lewe word hy met enorme groot neus uitgebeeld. Volgens portrette het hy wel ’n groot neus gehad, maar nie naastenby so groot soos wat in werke oor hom beskryf word nie.
