Frederick Dalberg

Frederick Dalberg is 'n operasanger wat as bas hoë aansien in die buiteland verwerf het. Vir sy bydrae tot die Duitse opera en oratorium is die titel "Kammersänger" in Duitsland aan hom toegeken. Hy is ook in die tweede uitgawe van "Unvergängliche Stimmen" opgeneem.

Die Zauberflöte, die towerfluit (opera)

Dalberg is op 7 Januarie 1908 in Newcastle-upon-Rye, Brittanje, gebore. Op twaalfjarige ouderdom het sy ouers na Suid-Afrika geïmmigreer en hulle in Pretoria gevestig, waar hy jare lank in die koor van die St. Alban-katedraal was. Op negentienjarige leeftyd het hy sanglesse by Ernesto Ferri in Johannesburg begin neem, en in 1930 het hy na Dresden vertrek om verder in sang te studeer. In 1931 is hy in Leipzig vir drie jaar aangestel as eerste bas, en in 1946 het hy die hoofbas van die Staatsopera in München geword. In 1951 is hy in dieselfde pos by Govent Garden aangestel. Hy het in 1957 bedank en eerste bas geword by die operahuis in Mannheim, waar hy tot met sy aftrede in 1970 gebly het. Hy is sedert 1970 deeltydse lektor in sang aan die Konservatorium vir Musiek van die Universiteit van Stellenbosch en sangadviseur by Kruik.

Frederick Dalberg was as sanger hoog aangeskrewe in die buiteland en het gereeld saam met beroemdes opgetree, onder andere saam met Maria Gal las en Ebe Stigniani in Norma in Govent Garden en in talle Wagner-rolle by Bayreuth met Herbert von Karajan as dirigent. Terwyl hy aan Govent Garden verbonde was, het hy ook in die premières van Benjamin Britten en William Walton se werke opgetree. Sy optredes in

Suid-Afrika was beperk tot 'n paar opera rolle, onder meer as Sarastro in Die Zauberflöte (Die Towerfluit) van Mozart tydens die Uniefees in Bloemfontein in 1960, Opsa se produksie van Der Wildschütz en Truk se Faust. Frederick Dalberg is met die Duitse sopraan Ellen Winter getroud.

Bronnelys

• Wêreldspektrum, Volume 4, bl.201-202, ISBN 0908409451