Interkalasie (tydmeting): Verskil tussen weergawes
Content deleted Content added
Nuwe artikel, nog besig |
Uitgebrei, nog besig |
||
Lyn 1:
'''Interkalasie''' of '''embolisme''' in tydmeting is die tussenvoeging van ’n skrikkeldag, {{nowrap|-week}} of {{nowrap|-maand}} in sommige kalenderjare sodat die [[kalender]] die [[seisoen]]e of [[maanfase]]s kan volg. [[Maansonkalender]]s kan die interkalasie van beide dae en maande verg.
==Sonkalenders==
Die son- of [[tropiese jaar]] het nie ’n [[heelgetal]] dae nie (dit is sowat 365,24 dae lank), maar ’n [[Jaar|kalenderjaar]] moet ’n heelgetal dae hê. Die mees algemene manier om die probleem op te los is om die getal dae in ’n kalenderjaar te wissel.
In sonkalenders word dit gedoen deur elke vier jaar ’n ekstra dag, of skrikkeldag, te voeg by ’n gewone jaar van 365 dae, wat ’n embolistiese of [[skrikkeljaar]] tot gevolg het met 366 dae (soos in die [[Juliaanse kalender|Juliaanse]] en [[Gregoriaanse kalender]]). In eersgenoemde kalender, sowel as in die laasgenoemde een, wat daarop verbeter het, is ’n ekstra dag in [[Februarie]] van elke skrikkeljaar gevoeg. In die Juliaanse kalender is dit elke vier jaar gedoen. In die Gregoriaanse kalender word jare wat deur 100 deelbaar is maar nie deur 400 nie, uitgesluit om akkuraatheid te verbeter. Dus was 2000 ’n skrikkeljaar, maar nie 1700, 1800 en 1900 nie.
Epagomeniese<ref>Van [[Grieks]] ἐπαγόμενος ''epagomenos'', van ἐπάγειν ''epagein'', "inbring"</ref> dae is dae in ’n sonkalender wat buite enige reëlmatige maand bygevoeg word. Gewoonlik word elke jaar vyf epagomeniese dae bygevoeg in byvoorbeeld die Egiptiese, Koptiese en Ethiopiese kalender, maar soms word ’n sesde dag elke vier jaar bygevoeg.
Die [[Baha'i]]-kalender voeg genoeg epagomeniese dae (gewoonlik vier of vyf) by voor die laaste maand om te verseker die volgende jaar begin op die [[Dag-en-nag-ewening|Maart-nagewening]]. Hulle word die ''Ayyám-i-Há'' genoem.
== Verwysings ==
{{Verwysings}}
[[Kategorie:Eenhede van tyd]]
| |||