Verskil tussen weergawes van "Kain en Abel"

2 675 grepe bygevoeg ,  1 jaar gelede
Uitgebrei, besig
(Uitgebrei, besig)
<sup>8</sup>Kain het met sy broer Abel gepraat, en toe hulle in die veld was, het Kain vir Abel oorweldig en hom doodgemaak. <sup>9</sup>Toe vra die Here vir Kain: “Waar is jou broer Abel?” en Kain antwoord: “Ek weet nie. Moet ek dan my broer oppas?” <sup>10</sup>Maar die Here sê: “Wat het jy gedoen? Die bloed van jou broer roep van die aarde af na My. <sup>11</sup>Vervloek is jy dan nou, verban van die grond af wat gretig die bloed van jou broer uit jou hand opgeslurp het. <sup>12</sup>Wanneer jy die grond bewerk, sal dit nie sy opbrengs vir jou gee nie. Jy sal 'n doellose swerwer op aarde word!” <sup>13</sup>Toe sê Kain vir die Here: “My straf is te swaar om te dra. <sup>14</sup>U verdryf my nou van my grond af, en tot U het ek nie meer toegang nie. Ek sal 'n doellose swerwer op aarde wees, en wie my raakloop, sal my vermoor.” <sup>15</sup>Maar die Here sê vir hom: “Nee! Wie vir Kain vermoor, sal sewe maal gestraf word.” Toe gee die Here vir Kain 'n teken sodat niemand wat hom raakloop, hom sou doodmaak nie. </blockquote>
<blockquote><sup>16</sup>En Kain het van die Here af weggegaan. Hy het gaan woon in Nod, oos van Eden. <sup>17</sup>Kain het met sy vrou gemeenskap gehad, en sy het swanger geword en vir Henog in die wêreld gebring. Kain het daarna 'n stad begin bou en hy het die stad na sy seun Henog vernoem.</blockquote>
 
==Oorsprong==
[[Beeld:Bouguereau-The First Mourning-1888.jpg|links|thumb|240px|''Die Eerste Roubetoon'': Adam en Eva treur oor Abel se dood. (Olie op doek, 1888 deur William-Adolphe Bouguereau.]]
 
Kain en Abel is tradisionele weergawes van die [[Hebreeus]]e name ''Qayin'' (קין) en ''Hevel'' (הבל). Die oorspronklike teks het nie [[klinker]]s gehad nie. Daar is al voorgestel die [[etimologie]] van hul name is ’n regstreekse sinspeling op hul rolle in die Genesis-verhaal. "Abel" kom vermoedelik van ’n gerestruktueerde woord wat "herder" beteken. Die moderne [[Arabies]]e verwante woord is ''ibil'', wat spesifiek na kamele verwys. "Kain" is dalk verwant aan die [[Arabiese]] woord ''qyn'' uit die middel 1ste millennium&nbsp;v.C., wat "metaalsmit" beteken. Volgens dié teorie is hul name dus beskrywend van hul rolle: Adam het met [[vee]] gewerk en Kain met [[landbou]] – en dit sou dus parallel loop met die name Adam ("man," Hebreeus אדם) en Eva ("lewegewer", Hebreeus חוה ''Chavah'').
 
Die oudste bekende weergawe van die Bybelverhaal is uit die [[Dooie See-rolle]] en dateer van die 1ste eeu&nbsp;v.C. Kain en Abel verskyn ook in ’n paar ander tekste en die storie kan op verskillende maniere vertolk word. Abel, die eerste [[moord]]slagoffer, word soms beskou as die eerste [[martelaar]] en Kain, die eerste [[moordenaar]], as ’n voorouer van die [[bose]]. Sommige geleerdes meen die Skrifgedeelte is dalk gebaseer op ’n [[Sumer]]iese storie oor die konflik tussen nomadiese herders en gevestigde boere. Die meeste moderne geleerdes glo die stories van [[Adam en Eva]] en van Kain en Abel gaan oor die ontwikkeling van die beskawing aan die begintydperk van landbou, toe dit die leefwyse van die jagter-versamelaars vervang het, en nie oor die ontstaan van die mens nie.{{sfn|Kugel|1998|p=54-57}}
 
Kain en Abel is waarskynlik simbolies eerder as werklik.{{sfn|Blenkinsopp|2011|p=2}} Soos die meeste mense, plekke en stories in die oeroue geskiedenis (die eerste 11 hoofstukke van Genesis), word hulle nêrens anders in die [[Bybel]] genoem nie. Dit dui daarop dat dié geskiedenis ’n laat toevoeging tot Genesis kan wees wat as ’n inleiding gedien het.{{sfn|Sailhamer|2010|p=301}} Daar is ’n dispuut oor presies hoe laat: Sommige glo die geskiedenis kan so laat as die [[Hellenistiese Griekeland|Hellenistiese tydperk]] (eerste dekades van die 4de eeu&nbsp;v.C.) wees,{{sfn|Gmirkin|2006|p=240-241}} maar die groot mate van Babiloniese mites agter die stories laat ander glo dit kan uit die [[Babiloniese ballingskap]] (6de eeu&nbsp;v.C.) kom.{{sfn|Gmirkin|2006|p=6}}{{sfn|Kugler|Hartin|2009|p=53-54}}
 
== Verwysings ==
{{Verwysings}}
 
== Eksterne skakels ==