Die '''Boesmans''' of die '''San''' is 'n volk wat woonagtig is in [[Suider-Afrika]]. Hulle was oorspronklik [[jagter-versamelaars]], deel van die [[Khoisan-groep]]-groep en verwant aan die [[Khoikhoi]] wat, in teenstelling met die San, [[nomade|nomadiese]] veeboere was. Die Boesmans word beskou as die oorspronklike inwoners van [[Suid-Afrika]] en woon reeds 40 000 jaar lank in die suidweste van die land. Uit die gebied wat vandag as [[Botswana]] bekend staan, het die Khoikhoi waarskynlik 2 000 jaar gelede na die [[Kaapprovinsie]] getrek, waar hulle die San aangetref het. Europeërs het hulle Hottentotte genoem, 'n verwysing na hul taal wat volgens die blankes só hortend gepraat is dat dit geklink het soos "hot" en "tot".<ref name="hottentot">[http://www.mieliestronk.com/khoisan.html Die benaming Hottentot]</ref> Hierdie twee groepe het saamgesmelt en staan vandag bekend as die Khoisan.
