Kieu: Verskil tussen weergawes

'n '''Kieu''' is 'n [[orgaan]] wat deel uitmaak van die [[asemhalingstelsel]] van [[Dier|diere]] wat in [[water]] leef. Kieue dien om [[Gas|gasse]] met die water waarin die dier lewe, uit te wissel. Opgeloste [[suurstof]] word opgeneem en [[koolstofdioksied]] word afgegee.

 

 

Die eenvoudigste kieue is uitwendig. Paddavisse het uitgroeisels van die [[Opperhuid|epidermis]] aan hulle liggame agter hulle kop waardeur hulle asemhaal. Uitwendige kieue is nogtans taamlik kwesbaar. Vis het gewoonlik inwendige kieue wat deur ‘n kieudeksel beskerm word. Die kieue bestaan uit gevoude lae [[Epiteelweefsel|epiteel]] aan beide sye van 'n reeks sakke wat die farinks met die buitewêreld verbind.

Die kieue van penhaaie het 'n ingewikkelde struktuur wat uit heelparty kieuboë bestaan, 'n konstruksie uit [[kraakbeen]] wat die basis van die kieu vorm en die kieuplate ondersteun. Tussen die plate is ongeveer 70 dun lamelle. 'n Slagaar bring [[bloed]] van die [[hart]] na [[Haarvat|haarvate]] van die lamelle wat bedek is met 'n dun laag epiteelweefsel. Die bloed en die water word net deur ‘n laag van ‘n paar [[Sel|selle]] geskei wat die uitwisseling van gasse moontlik maak. 'n Ander slagaar voer die met suurstof belaaide bloed af. Kieue maak dikwels gebruik van die teenstroomprinsiep. Die rigting waarin die bloed vloei, is die teenoorgestelde van die waterstroom.<ref>Biology: A Functional Approach {{Outeur|M. B. V. Roberts}}, Nelson Thornes, 1986, ISBN 0-17-448019-9, ISBN 978-0-17-448019-8</ref>

 

Diere wat op die land leef, het gewoonlik [[long]]e soos die [[soogdier]]e en die [[mens]] of hulle het trageë soos die [[insek]]te. In die ontwikkeling van die soogdier-[[embrio]] is daar nogtans dikwels ‘n fase waarin kieuboë onderskei kan word. Die kake ontstaan uit die eerste kieuboë.