[[Lêer:Prayer in Cairo 1865.jpg|duimnael|''Biddende [[Moslem]]s in [[Kaïro]]'', skildery deur Jean-Léon Gérôme, 1865]]
'''Imam''' ([[Arabies]]: إمام, ''imām''; meervoud: أئمة, ''aʼimmah'') of '''imaam''' is 'n Arabiese term met verskeie betekenisse. In die [[Koran]] verwys dié term na 'n "model", "leiding" of "leier". In die tradisionele [[Islam]]itiese staatsteorie van die [[Sjia]] verwys die term na die [[godsdiens]]tig-politieke leier (as 'n geestelike hoof) van die Islamitiese gemeenskap en opvolger van die profeet [[Mohammed]] (''Ahl al-Bayt''). Daarbenewens word die gebedleier tydens die [[Vrydaggebed]] in die [[moskee]] (as 'n priester of hoof van die kultus) Imamimam genoem, veral onder [[Soenni]]tiese [[Moslem]]s. Laastens word die term as 'n eretitel vir belangrike Islamitiese geleerdes en persone gebruik.
In die Soennitiese tradisie word elke dag se vyf [[Salat]]gebede, wat op elke plek verrig kan word, deur 'n Imamimam gelei. Indien twee of meer mense 'n gebed verrig, word die teks en bewegings deur die Imamimam voorgegee en die ander gelowiges volg sy voorbeeld. Vir die Vrydaggebed, wat net in 'n moskee kan plaasvind, word 'n Imamimam benoem, wat dié gebed sal lei.
Volgens die Twaalfer-Sjiisme en die Ismailisme het [[Allah]] twaalf Imamsimams as perfekte voorbeelde vir die gelowiges gekies wat die hele mensdom in alle aspekte van die lewe sal lei. Die laaste en twaalfde Imamimam is die verborge Mohammed al-Mahdi wat saam met [[Jesus in Islam|Isa]] ([[Jesus van Nasaret]]) sal terugkeer om die aarde van die [[Antichris]] (''al-Masih ad-Dadjdjal'') te bevry.<ref>{{en}} {{cite encyclopedia|title=Īsā|encyclopedia=Encyclopaedia of Islam|publisher=Brill Online|url=http://referenceworks.brillonline.com/entries/encyclopaedia-of-islam-2/isa-COM_0378|accessdate=6 Junie 2016|last=Anawati|first=G.C.|date=6 Junie 2016|origyear=2012|editor=P. Bearman |editor2=Th. Bianquis |editor3=C.E. Bosworth |editor4=E. van Donzel |editor5=W.P. Heinrichs|edition=2de|isbn=9789004161214}}</ref>
