Aardmantel: Verskil tussen weergawes

Die [[temperatuur]] in die bomantel wissel tussen sowat 1 000 [[Celsius|°C]] (by die bogrens met die kors) en 3 200 °C (in die D"-laag). By hierdie temperature sou die mantelmateriaal normaalweg vloeibaar gewees het, maar vanweë die hoë druk lê die [[solidus (termodinamika)|solidussmeltpunt]] in die mantel by ’n veel hoër temperatuur. Die mantel bestaan daarom uit [[Vaste stof|vaste materiaal]]. Daar kan wel gedeeltelike smelting in die mantel plaasvind, veral in die boonste 250 km (die astenosfeer), waar die druk nie so hoog is nie. Gedeeltelik gesmelte materiaal uit die mantel sal as [[magma]] opstyg en in die kors indring. As die materiaal tot op die oppervlak opstyg, sal [[vulkaan]]aktiwiteit plaasvind.