Alba Bouwer: Verskil tussen weergawes

Op versoek dra Alba by tot verskeie versamelbundels, waaronder “''Die dammetjie en ander sketse''” (saam met [[Audrey Blignault]], [[Freda Linde]], [[Elise Muller]], [[M.E.R.|M.E.R]]. en [[Rykie van Reenen]]), “''Son op die land''”, “''M.E.R. 100''” en “''Stad en stedelig''”. In die versamelbundel “''Klein koninkryk''” vertel sy van haar kinderjare en in “''My Paarl''” skryf sy van haar jeugherinneringe van hierdie dorp. Haar werk word in verskeie versamelbundels opgeneem, insluitende “''Dekade: Resente Afrikaanse kortverhale''”, “''Son en saffier: Keurbeeld van die jeugverhaal''”, “''Voorsmaak''” (’n keur uit werke van skrywers wat met die [[Scheepersprys vir Jeugliteratuur|Scheepersprys]] bekroon is) en “''Kernbeeld van die Afrikaanse kortverhaal''”, almal onder redaksie van F.V. Lategan; “''Janus: ’n tweetalige bloemlesing''” onder redaksie van L. Herrman en S. Goldblatt; “''Afrikaans short stories''” onder redaksie van F.V. Lategan, M.W. Smuts en [[Hymne Weiss]]; “''Moderne Afrikaanse verhaalkuns''” van F.E.J. Malherbe; “''Jangroentjie: keurbundel vir die jeug''” saamgestel deur J.P. en Ria Smuts; “''Borde borde boordevol''” onder redaksie van Hennie Aucamp; “''Uit die kontreie vandaan''” van [[Abraham H. de Vries]]; “''Goue fluit, my storie is uit''” en “''Goue lint, my storie begint''” saamgestel deur Linda Rode; “''Storiehuis, woordpaleis''” en “''Son op die land''”, laasgenoemde ’n bundel met sketse en vertellings oor verskillende streke van ons land. Sy is medesamesteller van ’n aantal boeke, insluitende die verjaardagalbum “''Goedgeluk''” saam met Audrey Blignault. Uit die werke van M.E.R. stel sy saam met Audrey Blignault “''Kom nader''” saam, terwyl sy saam met Rykie van Reenen “''Familiegesprek''” saamstel en saam met Anna Rothmann en Rykie van Reenen verantwoordelik is vir “''’n Kosbare erfenis''”, ’n versameling van die briewe van M.E.R. wat sy tussen [[1916]] en 1975 geskryf het. Saam met Hans Scheffler behartig sy “''Liewe Lydia – Liewe Fritz''”.

Benewens die talle pryse wat sy met haar boeke verower, word sy ook op baie ander maniere gehuldig. Sy word in 1983 aangewys as een van veertien nuwe verteenwoordigers wat in die Media-raad van die Nuusblad-Persunie dien. In [[1987]] stel die [[Suid-Afrikaanse Akademie vir Wetenskap en Kuns|Akademie vir Wetenskap en Kuns]] die prys in vir Kinderliteratuur wat driejaarliks toegeken sal word en noem dit die [[Alba Bouwerprys vir Kinderliteratuur|Alba Bouwer-prys]] as blyk van agting vir haar kinderwerke.<ref name=":1" /> Die ereburgerskap van [[Riversdal]] word in [[1988]] aan haar toegeken. Sy word in [[1995]] vereer met erelidmaatskap van die Suid-Afrikaanse Akademie vir Wetenskap en Kuns en in dieselfde jaar ontvang sy ’n toekenning van die [[Vroue Landbouvereniging]]. Die huldigingsbundel “''Die blink uur van mooi dinge''” wat met haar 75e verjaarsdag aan haar uitgereik word, bestaan uit twee dele. Die eerste deel is essays oor persoonlike belewenis van haar deur familie en vriende, terwyl die tweede deel handel oor haar werk.<ref>Müller, Petra “Die Burger” 29 Maart 1995</ref><ref>Van Niekerk, Anneke “Insig” Junie 1995</ref><ref>Wybenga, Gretel “Beeld” 5 Junie 1995</ref> Die [[Universiteit van Port Elizabeth]] ken in 1996 ’n eredoktorsgraad aan haar toe. In [[1998]] ontvang sy die [[FAK-Prestigeprys]] vir haar bydrae tot die [[Afrikaanse letterkunde]]. ’n Straat in [[Langenhovenpark]] in Bloemfontein wordis ook na haar vernoem.