Alfred Nobel: Verskil tussen weergawes

Nobel was die derde seun van [[Emmanuel Nobel]] (1801-1872) en [[Ahlsell Nobel]] (1805-1889). Sy vader het uit 'n baie arm boerefamilie gekom, maar deur harde werk as militêre ingenieur roem verwerf.

'''Alfred Nobel''' is op 21 Oktober 1833 gebore. In [[1842]] het hy en sy gesin na [[Sint Petersburg]] verhuis waar sy pa (die uitvinder van laaghout) 'n [[seemyn]]-fabriek gestig het. Alfred het daar [[chemie]] gestudeer onder leiding van prof. [[Nikolay Zinin]]. In [[1859]] is die bestuur van die fabriek aan die tweede seun, [[Ludvig Nobel]] (1831-1888), toevertrou wat dit baie uitgebrei het.

Alfred het met sy pa na [[Swede]] teruggekeer nadat die familiesaak bankrot gespeel het en hom aan die studie van [[plofstof|plofstowwe]] gewy, veral die veilige vervaardiging van [[nitrogliserien]] (wat in [[1847]] deur [[Ascanio Sobrero]] uitgevind is, een van sy medestudente aan die [[Universiteit van Torino]]). Verskeie ontploffings het plaasgevind by die fabriek op die landgoed Heleneborg in Stockholm, Swede, wat aan die familie behoort het; een van die ontploffings, in [[1864|1864]], het tot die dood van Alfred se jonger broer Emil en verskeie ander werkers gelei. 'n Maand later het Emmanuel Nobel 'n beroerte gekry en verlam geraak.

Uiteindelik, in [[1866]]-1867, het Alfred Nobel die probleem rakende die beveiliging van die plofstof opgelos. Aangesien [[nitrogliserien]] 'n hoogs onstabiele vloeistof is, het hy sekere absorberende materiaal daarby gevoeg en sodoende die veilige berging en vervoer daarvan moontlik gemaak. Om die mengsel te laat ontplof, het egter 'n spesiale slagdoppie vereis. Die nuwe vorm van nitrogliserien is dinamiet ('krag' in [[Grieks]]: ''dynamis'') genoem.