Ietermago: Verskil tussen weergawes

Die '''ietermago''' (ook '''ietermagog''' of '''ietermagô''') is 'n [[soogdier]] in die [[orde (biologie)|orde]] '''Pholidota'''. Daar is slegs een oorgeblewe [[familie (biologie)|familie]] (''Manidae''), en voorheen is slegs een [[genus]] (''Manis'') erken. Meer onlangs word drie genera erken, wat uit altesaam agt [[spesie]]s bestaan. Daar is ook 'n aantal uitgestorwe [[Wetenskaplike klassifikasie|taksonomiese]] groepe. Ietermago's is die enigste soogdiere wat harde skubbe op hulle vel het. Hulle word in die [[Trope|tropiese]] streke van [[Afrika]] en [[Asië]] aangetref. Die ietermago word soms met die [[Amerika]]anse [[gordeldier]] vergelyk, maar dié het 'n beenagtige dop en word onder 'n ander familie en orde geklassifiseer.