Isak: Verskil tussen weergawes

Van al die aartsvaders het Isak die oudste geword en hy was ook die enigste een wie se naam nie mettertyd verander is nie. Daarbenewens was hy die enigste aartsvader wat [[Kanaän (gebied)|Kanaän]] nooit verlaat het nie, hoewel hy dit eenmaal probeer doen het, maar deur God teruggeroep is. In vergelyking met die ander aartsvaders is Isak se lewensloop minder kleurryk – daar word weinig fynere besonderhede oor sy lewe vermeld. In alle verhale waarin hy 'n rol speel, staan hy nie net in sy pa en seuns se skadu nie, maar ook in dié van sy vrou [[Rebekka]] wat sterk uitgebeeld word. Hy leef met Rebekka, anders as die ander aardsvaders en hul vroue, in 'n [[monogamie|monogame]] huwelik.

'n Keer stel God Abraham op die proef en beveel hom om vir Isak as brandoffer te offer. Abraham neem Isak na die streek waar die Tempelberg geleë is. Daar bou Abraham 'n altaar en stapel hout op, hierna bind hy sy seun Isak vas en laat hom op die hout van die altaar lê. Abraham neem toe sy mes om sy seun daarmee te dood. Op daardie oomblik roep 'n engel uit die hemel dat hy nie moet voortgaan nie, want God is alwetend en weet dat Abraham selfs nie sy enigste seun van Hom sal weerhou nie.<ref>Genesis 22:16</ref> In plaas daarvan om Isak te offer neem Abraham toe 'n ram wat met sy horings verstrik geraak het in 'n bos daar naby, en offer ditdie dier.

Op gevorderde leeftyd word Isak heeltemal blind. Hy roep Esau, die oudste van sy tweelingseuns, en vra hom om te gaan jag en 'n bok te skiet, sodat hy die vleis daarvan kon eet, waarna hy van plan was om Esau te seën. Terwyl Esau egter op jag is, gebruik Jakob, met die medewerking van sy moeder, Rebekka, 'n slim set, deur homselfhom voor te doen as Esau, sonder dat sy blinde vader daarvan weet. Hierdeur gee Isak dan aan Jakob die seën, en maak hom sodoende die belangrikste erfgenaam, terwyl Esau die ondergeskikte seun moes word.<ref>Genesis 27</ref>