Vredendal: Verskil tussen weergawes

'''Vredendal''' is een van die jonger dorpe en dus ook modernste in die Noordweste en ook een van die snel groeiendste.

== Ligging ==

Die dorp is 322 noord van [[Kaapstad]] aan die spoorlyn na [[Bitterfontein]] en langs die [[Olifantsrivier]] geleë. Dit val binne die Olifantsrivier-besproeiingsgebied. [[Vanrhynsdorp]] en [[Klawer]] is elk 24 km per pad van die dorp geleë.

== Geskiedenis ==

Die dorp het sy ontstaan te danke aan die besproeiingskema wat hier gebou is. Dit is vroeg in 1945 as dorp gestig en het munisipale status eers op 1 Maart [[1963]] verkry. Ingevolge die huidige munisipale bedeling is Vredendal deel van die munisipaliteit [[Matzikama]], waarvan dit die setel is.

== NG gemeente ==

Die gemeente is op 13 November [[1933]] onder die naam [[Olifantsrivier]] met 1 000 lede van [[Vanrhynsdorp]] afgestig. Die gemeente het aanvanklik swaar gekry, omdat die nedersetters van die skema noustrop getrek het. Dienste op Vredendal is eers in 'n klein skoolgeboutjie gehou. Vir Nagmaaldienste moes die kerkgangers in die oopte onder 'n bloekombos byeen kom. Die eerste predikant was ds. P.F. Greyling. Die gedeelte van die gemeente wat aanvanklik as Neersetting bekend gestaan het, is in [[1937]] as [[Lutzville]] afgestig. In [[1940]] besluit die Sinode om die naam van die gemeente [[Olifantsrivier]] na '''Vredendal''' te verander. Die huidige kerkgebou is op 23 September [[1950]] ingewy, sonder skuld. Vredendal-Wes is in 1974 afgestig en vandag het die twee gemeentes saam 'n ledetal van meer as 2 500.

[[Kategorie:Dorpe in Suid-Afrika]]

[[Kategorie:Weskus]]

{{Wes-Kaap}}

 

[[ro:Vredendal]]