Pous Silvester II: Verskil tussen weergawes

{{Inligtingskas Pous

|Afrikaanse naam=Pous Silvester II

|geboortenaam=Gerbert d'Aurillac

|termyn_begin=[[2 April]] [[999]]

|termyn_einde=[[12 Mei]] [[1003]]

|opvolger=[[Pous Johannes XVII|Johannes XVII]]

|geboortedatum=± [[945]]

'''Silvester II''' was die 139ste [[pous]] van die [[Rooms-Katolieke Kerk]] en die eerste pous wat uit [[Frankryk]] afkomstig was. Sy geboortenaam was '''Gerbert van Aurillac'''. Hy was 'n geleerde en het gehelp om Arabiese syfers en [[sterrekunde|astronomie]] in Europa in te voer. Hy het ook die gebruik van die astrolabium en die armillaarsfeer heringevoer na die Weste.

 

'''Pous Silvester II''' is gebore as '''Gerbert d' Aurillac''' (ook '''Gerbert van Aurillac''') ongeveer in [[945]] in [[Auvergne]], [[Frankryk]]<ref> "Sylvester II." Encyclopædia Britannica. 2008. Encyclopædia Britannica Online. 9 Junie 2008 <http://www.britannica.com/eb/article-7051></ref>. Hy word opgeneem in die klooster van Sint Geraldus in Aurillac ongeveer in [[963]]. In [[967]] besoek Borrel II, graaf van Barcelona die klooster en die ab het hom gevra om Gerbert saam te neem om [[wiskunde]] in [[Spanje]] te studeer. Gerbert studeer in Barcelona en dalk ook in die Islamitiese stede Cordoba en Seville. In [[969]] maak Borrel 'n bedevaart na [[Rome]] en neem Gerbert saam. In Rome ontmoet Gerbert [[Pous Johannes XIII]] en keiser Otto I. Gerbert word aangestel as leermeester vir die jonge Otto II. 'n Paar jaar later stuur Otto vir Gerbert na die katedraalskool in [[Reims]] waar hy deur aartsbiskop Adalbero tot dosent benoem word. In [[983]] word Gerbert deur Otto II benoem as ab van die klooster van Bobbio. Na die dood van Otto II raak Gerbert by die politiek betrokke en opponeer die poging om Lotaringe van Otto III af te neem.

Adalbero sterf op [[23 Januarie]] [[988]] en Gerbert was die natuurlike kandidaat as sy opvolger. Hugo Capet, koning van Frankryk benoem egter Arnulf, die buite-egtelike seun van Lotarius. Arnulf word egter in [[991]] veroordeel weens verraad teen die koning en Gerbert word as sy opvolger aangestel. Daar was heelwat verset teen die aanstelling en Gerbert word weer vervang met Arnulf. Gerbert word nou leermeester van Otto III en [[Pous Gregorius V]] benoem hom tot aartsbiskop van Ravenna. Op [[2 April]] [[999]] volg hy [[Pous Gregorius V]] op onder die naam '''Silvester II''' en regeer tot sy dood op [[12 Mei]] [[1003]]. Hy word opgevolg deur [[Pous Johannes XVII]].

Die naam ‘Silvester’ beteken 'Woudman'.

 

Die eerste ding wat '''Pous Silvester II''' doen is om die posisie van sy teenstander as aartsbiskop van [[Reims]] te bevestig. Die pous het hard opgetree teen die wydverspreide simonie en konkubinaatpraktyke in die kerk. Hy skryf ook die dogmatiese verhandeling 'De corpore et sanguine Domini' (Die liggaam en bloed van die Here) Op [[27 Maart]] [[1000]] verleen hy die titel van koning aan Sint Stefanus, die heerser van [[Hongarye]]. In [[1001]] is daar 'n volksopstand in Rome en Silvester en Otto moet vlug na Ravenna. Otto het twee keer onsuksesvol probeer om Rome te herower en sterf toe hy die derde keer probeer, in [[1002]]. Die pous keer terug na Rome onder die beheer van die adellikes en sterf kort daarna.

 

'''Pous Silvester II''' was as geleerde ver voor sy tyd. Hy het 'n reeks boeke oor die 'quadrivium' (Die vierde en nagraadse gedeelte van universitêre studie wat rekenkunde, meetkunde, sterrekunde en musiek ingesluit het) geskryf. Hy het is Spanje Arabiese syfers geleer en kon ingewikkelde berekeninge doen wat baie moeilik was vir mense wat met Romeinse syfers gewerk het. Toe hy nog in Reims was, het hy 'n gevorderde hidrouliese orrel gebou wat alle bestaande orrels oortref het. Silvester het ook die telraam heringevoer in Europa en is waarskynlik die outeur van die beskrywing van die astrolabium wat eers 50 jaar later deur Hermannus Contractus uitgegee is. Die uitvinding van die meganiese klok word ook aan hom toegeskrywe.

 

Aan die einde van die Grieks-Romeinse era het die kennis van die armillaarsfeer in Europa verlore gegaan. Silvester het die sfeer teruggebring via Al-Andalus in die laat 10de eeu. Die besonderhede van die sfeer is vervat in 'n brief van Silvester aan sy student die monnik Remi van [[Trèves]], sy kollega ab Konstantyn van Micy en die [[Franse]] edelman Richer, wat 'n monnik in [[Reims]] was. Richer berig dat Silvester ontdek het dat sterre skuins oor die nagtelike hemel beweeg. Richer beskryf ook hoe Silvester die sfeer gebruik het om [[wiskunde]] en [[sterrekunde]] te doseer en hoe hy die ringe en merke op die sfeer gerangskik het.

Die historikus Oscar G. Darlington lei daaruit af dat Silvester 'n sirkel in 60 pleks van 360 grade verdeel het sodat die lengte lyne presies ses grade uitmekaar was. Silvester het die poolsirkel by 26 grade geplaas, net 'n bietjie weg van die korrekte 23 grade 28 minute. Die plasing van die kreefskeerkring was amper reg en die van die ewenaar heeltemal reg. Die armillaarsfeer is ook deur Silvester gebruik om die planete waar te neem. Silvester het buise as rigkykers aan die sfeer geheg om sterrebeelde te kan waarneem. In 'n brief aan Konstantyn skryf hy dat om die poolster te identifiseer, moet die rigkyker op 'n kandidaat-ster gerig word en indien die ster nie uit die gesigsveld skuif nie, dan is dit die poolster.

 

Volgens die legende sou Silvester magie en astrologie studeer het in Seville. Hy word soms as 'n towenaar in geveg met die duiwel afgebeeld<ref>Kirsch, Johann Peter. "Pope Sylvester II." The Catholic Encyclopedia. Vol. 14. New York: Robert Appleton Company, 1912. 8 Junie. 2008 http://www.newadvent.org/cathen/14371a.htm</ref>. Die pous sou in die besit gewees het van 'n boek wat in Spanje van 'n Arabiese [[filosoof]] gesteel is. Die eienaar het hom glo agtervolg deur sy spoor in die sterre te volg. Silvester het homself verberg onder 'n hout brug, waar die Arabier hom nie kon sien nie.

Die pous het glo ook 'n gebeeldhoude brons kop besit, wat alle vrae met 'ja' of 'nee' kon beantwoord. Verder het hy glo 'n verhouding gehad met 'n vroulike demoon met die naam Meridiana, wat hom gehelp het om pous te word.

Die legende het meer as 'n eeu na sy dood stand gehou. Daar was ook ander pouse wat van toordery verdink is. In [[1409]] is [[Pous Johannes XXI]] en [[Pous Benedictus XII]] deur [[Pous Gregorius XII]] weens toordery verkla by die sinode van [[Pisa]].

 

Silvester se werk is gepubliseer in deel 139 van die 'Patrologia Latina'. Dit sluit in:

*Wiskundige werke

**''Leonis legati epistola ad Hugonem et Robertum reges''

 

*Artaud de Montor, Alexis (1911) The lives and times of the popes to 1003. (vertaal vanaf "Les vies des papes") The Catholic publication Society of America, New York bl 150.

*Darlington, Oscar G. "Gerbert, the Teacher," ''The American Historical Review'' (Volume 52, Number 3, 1947): 456–476.

*Salhab, Walid Amine. (2006). ''The Knights Templar of the Middle East: The Hidden History of the Islamic Origins of Freemasonry''. San Francisco: Red Wheel/Weiser LLC. ISBN 1-57863-346-X.

*A. Olleris, « Vie de Gerbert », in ''Oeuvres de Gerbert'', Clermont/Paris, 1867 ([http://gallica.bnf.fr/ark:/12148/bpt6k408322c Gallica])

*François Picavet, ''Gerbert, un pape philosophe, d'après l'histoire et d'après la légende'', Paris, 1897 ([http://gallica.bnf.fr/ark:/12148/bpt6k92278s Gallica])

*[http://perso.wanadoo.fr/college.universite.reims/histoire%20college/partie1/chapitre03/page/image1.html histoire médiévale de l'école de Reims]

 

{{reflist}}

 

{{En-Wikisource info|Catholic Encyclopedia (1913)/Pope Sylvester II}}

*{{CE|http://www.newadvent.org/cathen/14371a.htm}}

*{{GM|http://www.genealogie-mittelalter.de/paepste/sylvester_2_papst_+_1003.html}}

 

Saamgestel en vertaal uit die [[:nl:Paus Silvester II|Nederlandse]], [[:en:Pope Sylvester II|Engelse]], [[:de:Silvester II.|Duitse]] en [[:fr:Sylvestre II|Franse]] wikipedia en aangevul uit ander bronne soos aangedui.

 

{{s-start}}

{{s-bef|voor=[[Pous Gregorius V|Gregorius V]]}}

{{teenpouse}}

{{voorbladster}}

 

[[ca:Silvestre II]]