Lille: Verskil tussen weergawes

'''Lille''' of '''Rysel''' (egte Nederlandse naam, in historiese kontekste soms ''Rijsel'' of ''Rijssel'') is die hoofstad van die [[département]] [[Nord]], die région [[Nord-Pas-de-Calais]] ([[Frankryk]]) en [[Frans-Vlaandere]], naby die Belgiese grens, met sowat 220 000 inwoners ([[2004]]).

 

Saam met die 27 stede in die omgewing, onder meer [[Roubaix]], [[Tourcoing]] en [[Villeneuve-d'Ascq]], vorm Lille 'n metropolitaanse gebied met 1,2 miljoen inwoners, die tweede grootste in die land na Parys. Saam met 'n aantal Belgiese stede oorkant die grens, waaronder [[Kortrijk]] (Frans: ''Courtrai''), [[Mouscron]] (Nederlands: ''Moeskroen'') en [[Menen]] (Frans: ''Menin''), het die Frans-Belgiese metropolitaanse gebied 1,7 miljoen inwoners.

Lille is een van die jongste stede in Frankryk wat die ouderdomsstruktuur betref - sowat 40 persent van die bevolking is tussen 0 en 25 jaar oud, en daar is sowat 40 000 studente.

 

Een van die ooreenkomste met hulle Belgiese bure is die voorkeur wat die inwoners van Lille (die'' Lillois'') aan bier (pleks van wyn) gee. Ook die kookkuns toon die Vlaamse invloed - '''Carbonade Flamande''' (in biersous gekookte beesvleis, wat in Vlaandere as Stoofvlees bekend staan) en '''Moulesfrites''' (Mossels met pommes frites) is die bekendste plaaslike geregte.

 

[[Kategorie:Nedersettings in Frankryk]]