'''Adv. Jacobus Gideon Nel (Koos/Kosie) Strauss''', ook wel ''J.G.N. Strauss'', (gebore [[1900]] op [[Calvinia]] in die [[Noord-Kaap]], gestorwe ?) was die derde leier van die [[Verenigde Party|Verenigde Suid-Afrikaanse Nasionale Party]], nadat hy genl. [[Jan Christiaan Smuts]] met laasgnoemde se dood in [[1950]] opvolg.
Strauss is in [[1900]] op [[Calvinia]] in die [[Noord-Kaap]] gebore. Hy bekwaam hom as advokaat aan die [[Universiteit van Kaapstad]] en die [[Universiteit van Suid-Afrika]] maar dien eers as privaat sekretaris van Smuts van [[1923]] tot [[1924]]. Ses jaar later word hy in die kiesafdeling [[Langlaagte]] lid van die provinsiale raad vir die [[Suid-Afrikaanse Party]]. Hy word in Desember [[1932]] tot die parlement verkies as kandidaat vir dieselfde party in 'n sleuteltussenverkiesing in [[Germiston]]-distrik kort nadat Suid-Afrika gedwing is om die goudstandaard te verlaat. In [[1939]] (sommige bronne gee [[1944]]) word hy minister van lanbou en bosbou in die Smuts-kabinet, 'n posisie wat hy beklee tot en met die verkiesing van [[1948]] waarin die [[Nasionale Party]] en V.P. verslaan.
Hy volg Smuts in 1950 op as leier van die [[Verenigde Party]] en dus ook as leier van die parlementêre opposisie. Tydens sy tyd as leier breek die [[Verenigde Federale Party]] en die [[Liberale Party]] weg van die V.P. na die party se teleurstellende vertoning in die verkiesing van [[1953]].
