Paleis van Westminster: Verskil tussen weergawes

Die daaropvolgende kompetisie vir die herbouing van die paleis, is deur die argitek [[Charles Barry]] gewen met sy ontwerp vir 'n gebou in die [[reghoekige gotiese]] styl. Die oorblyfsels van die Ou paleis (met die uitsondering van die alleenstaande juweeltoring) is in die veel groter herbouings ingesluit, wat oor die 1 100 vertrekke insluit, wat simmetries rondom twee stelle binnepleine gerangskik is. Deel van die Nuwe paleis se vloeroppervlak van 3.24 ha is van die Teems herwin, wat die hooffasade huisves, grensend aan die 266 m-lange rivierfront. Barry is bygestaan deur [[Augustus Welby Northmore Pugin|Augustus W. N. Pugin]], 'n leidende gesag rakende gotiese argitektuur en styl, wat ontwerpe verskaf het vir die versiering en bekleding van die paleis. Konstruksie het in 1840 afgeskop, en het vir dertig jaar voortgeduur, onderworpe aan groot vertragings en kosteoorskrydings, benewens die afsterwe van beide hoofargitekte; aandag aan die binneversiering het met tussenposes tot ruim in die twintigste eeu voortgeduur. Aansienlike renovasiewerk is sedertdien uitgevoer, weens die uitwerking van Londen se lugbesoedeling, en uitgebreide herstelwerk het na die [[Tweede Wêreldoorlog]] plaasgevind, insluitend herbouing van die kamer van die Laerhuis, na die bombardering daarvan in 1941.

 

 

==Nota==