Alexandria Ocasio-Cortez
Alexandria Ocasio-Cortez (gebore 13 Oktober 1989) is 'n Amerikaanse politkus en aktivis.[1]Op 26 Junie 2018 het Ocasio-Cortez die primêre verkiesing van die Demokratiese Party in die 14de kongresdistrik van New York gewen wat dele van die Bronx en Queens in New York Stad insluit. Die sittende , Demokratiese Kongreslid Joe Crowley, het teen haar verloor in een van die grootste verassingsoorwinning in die 2018 middeltermyn-Demokratiese voorverkiesings.[2] Sy is tydens die algemene verkiesing van 6 November 2018 tot die Amerikaanse Kongres verkies. Ocasio-Cortez is 'n lid van die Demokratiese Sosialiste van Amerika. 'n Lid van die Demokratiese Party, sy is die Amerikaanse verteenwoordiger vir New York vanaf 3 Januarie 2019.
| Alexandria Ocasio-Cortez | |
 Lid van die United States House of Representatives | |
| Ampsbekleër | |
| Termynaanvang Januarie 3, 2019 | |
| Voorafgegaan deur | Joe Crowley |
|---|---|
Persoonlike besonderhede
| |
| Gebore | 13 Oktober 1989 Bronx, New York Stad, Verenigde State |
| Politieke party | Demokratiese Party |
Voordat sy tot die Kongres verkies was, was Ocasio-Cortez 'n gemeenskapsorganiseerder wat in die Bronx werksaam was en dien as onderwysdirekteur vir die 2017 Northeast Collegiate World Series vir die National Hispanic Institute. Teen die ouderdom van 29 jaar is sy die jongste vrou om in die Kongres in die geskiedenis van die Verenigde State te dien.
Vroeë lewe en opvoeding wysig
Ocasio-Cortez was gebore in die Bronx, New York Stad, op 13 Otober 13 1989, aan Blanca Ocasio-Cortez en Sergio Ocasio.[3] Haar pa is 'n argitek en haar ma is gebore in Puerto Rico.[4]
Algemene verkiesing 2018 wysig
Ocasio-Cortez het teen die Republikeinse genomineerde Anthony Pappas in die algemene verkiesing van 6 November gestaan. Pappas, wat in Astoria woon, is 'n ekonomie professor aan die St. John's Universiteit. Volgens die New York Post het Pappas nie aktief veldtog gevoer nie. Die Post het geskryf dat Pappas se deelname waarskynlik nie sukses kon behaal nie. In die distrik is daar byna ses teen een meer geregistreerde Demokrate as Republiekyne. Ocasio-Cortez is onderskryf deur verskeie polities progressiewe organisasies en figure, waaronder voormalige president Barack Obama en die Amerikaanse senator Bernie Sanders.
Ocasio-Cortez het die verkiesing met 78% van die stemme (110 318) gewen teen Pappas se 14% (17 762). Haar verkiesing was deel van 'n breër Demokratiese oorwinning in die middeltermynverkiesing in 2018, aangesien die party beheer oor die Huis van Verteenwoordigers verkry het deur minstens 40 setels by te wen.
Verwysings wysig
- ↑ Frank, T.A. (27 Julie 2018). "What the Left's Next Socialist Superstar Learned from Trump". Vanity Fair (in Engels). Geargiveer vanaf die oorspronklike op 27 Julie 2018. Besoek op 1 Julie 2018.
- ↑ (en) "Alexandria Ocasio-Cortez Defeats Joseph Crowley in Major Democratic House Upset", The New York Times, 26 Junie 2018.
- ↑ "Meet Alexandria". Ocasio 2018: Vote Junie 26 (in Engels). Geargiveer vanaf die oorspronklike op 17 Desember 2019. Besoek op 27 Junie 2018.
- ↑ Wang, Vivian (27 Junie 2018). "Who Is Alexandria Ocasio-Cortez? A Democratic Giant Slayer". The New York Times (in Engels). Geargiveer vanaf die oorspronklike op 18 April 2020. Besoek op 27 Junie 2018.
Eksterne skakels wysig
- Congresswoman Alexandria Ocasio-Cortez
- Verskynings op C-SPAN
- Alexandria Ocasio-Cortez by Politifact