Douglas DB-7

Die Douglas DB-7 is 'n tweemotorige bomwerper wat tydens die Tweede Wêreldoorlog deur die Amerikaanse, Britse en Franse Lugmagte gebruik is. Die vliegtuig het sy nooiensvlug op 23 Januarie 1939 onderneem.

Douglas DB-7
A-20G van die United States Army Air Forces
Tipe	Bomwerper
Vervaardiger	Douglas Aircraft Company
Ontwerp deur	Ed Heinemann
Nooiensvlug	23 Januarie 1939
Status	Uit diens gestel
Hoofgebruikers	Franse Lugmag Britse Lugmag Amerikaanse Lugmag
Aantal gebou	7 478
Weergawes	Douglas DC-5

Geskiedenis

Die vervaardiger Douglas het in 1938 'n ontwerp van sy model 7A ingedien na aanleiding van 'n spesifikasie van die Amerikaanse Leër. Die spesifikasie het 'n tweemotorige aanvalsbomwerper versoek. Douglas is toestemming verleen om twee prototipes te bou. Die eerste prototipe het as Model 7B bekend gestaan en was toegerus met 1 100 perdekrag Twin Wasp motors en het 'n driewielonderstelontwerp gehad.

Die Franse Lugmag het in Februarie 1939 sy eerste bestelling van 100 eenhede geplaas.

Tegniese besonderhede

Besonderhede van die Douglas Boston IIIA:

Item	Statistiek
Aantal motors	2
Tipe motor	Skroef
Vervaardiger	Wright R-2600-23 Cyclone stermotor
Kraglewering per motor	1 600 perdekrag
Vlerkspan	18,69 m
Lengte	14,40 m
Hoogte	5,36 m
Maks. opstygmassa	11 113 kg
Maks. snelheid	550 km/h op 3 962 m
Operasionele hoogte	7 391 m
Togafstand met maks. bomvrag	1 690 km
Bewapening	Twee 0.30 Browning masjiengewere weerskante in die neus en twee in dorsale skiettoring Een 0.303 Vickers masjiengeweer in ventrale posisie.
Bomvrag	907 kg in bomlaai

Bron

• Bombers 1939–1945 Kenneth Munson, Bounty Books 2012 ISBN 978-0-7537-2172-8