Elfriede Jelinek
Elfriede Jelinek (* 20 Oktober 1946 in Mürzzuschlag, deelstaat Stiermarke) is 'n Oostenrykse skryfster wie se werk met talle literatuurpryse bekroon is, waaronder die Georg-Büchner-Preis en die Franz-Kafka-Literaturpreis.[1] In 2004 is die Nobelprys vir Letterkunde aan haar toegeken[2] vir "die musikale vloei van stemme en teenstemme in romans en dramatonele wat die absurditeit en die dwingende mag van maatskaplike klisjees met 'n unieke passie vir taal onthul".[3]
Elfriede Jelinek | |
|---|---|
 Elfriede Jelinek in 2004 | |
| Gebore | 20 Oktober 1946 Mürzzuschlag, Stiermarke, Oostenryk |
| Nasionaliteit |  Oostenryk |
| Beroep | dramaturg, romanskrywer |
| Bekend vir | The Piano Teacher, Die Kinder der Toten, Greed, Lust |
| Handtekening | |
 | |
Elfriede Jelinek se literêre kritiek op wantoestande in die Oostenrykse samelewing, insluitende die privaat lewe van Oostenrykers, wat sy in 'n sarkastiese en uitdagende styl lewer, het in haar geboorteland verskeie kere skerp reaksie uitgelok. Haar teenstanders, maar ook Jelinek self, beskryf haar taalgebruik as onfyn en selfs obseen, as blasfemies, vulgêr of honend. Maar terwyl Jelinek aanvanklik nog as provokateur beskou is, word haar literêre werke intussen as hoogs gevoelige taalkuns gewaardeer. Haar toneelstuk Winterreise (2011) word onder die mees opgevoerde Duitstalige toneelstukke gereken.
Verwysings wysig
- ↑ www.rowohlt.de: Elfriede Jelinek. Besoek op 26 Maart 2017
- ↑ "The Nobel Prize in Literature 2004" (in Engels). Nobelprize.org. Geargiveer vanaf die oorspronklike op 2 Julie 2018. Besoek op 7 Oktober 2017.
- ↑ diepresse.com: Nobelpreis für Elfriede Jelinek. Besoek op 26 Maart 2017
Eksterne skakels wysig
Wikimedia Commons het meer media in die kategorie Elfriede Jelinek.
