Keermuur
'n Keermuur of stutmuur is 'n tipe muur wat gebou word om grond terug te hou. Dit word algemeen gebruik om grond teen 'n onnatuurlike helling in verskillende vlakke te deel. As voorbeeld kan dit in tuine of op plase aangewend word om beddings teen 'n helling aan te lê, of om grond uit paaie te hou.
Loffelstein-stelsel wysig
Die Loffelstein-stutmuurstelsel maak van voorafvervaardigde betonblokke gebruik wat op mekaar gestapel word. Hierdie blokke word Loffelstein-blokke (of Löffelstein-blokke) genoem. Die blokke pas gewoonlik in mekaar in om 'n skuins stutmuur te vorm. Die voordele van die stelsel is dat dit vinnig opgerig kan word en dat plante en blomme daarin geplant kan word, wat dit 'n natuurlike voorkoms gee. Omdat water deur die muur kan dreineer, sal dit nie agter die struktuur opdam en dit beskadig nie.[1]
Verwysings wysig
- ↑ Loffelsteinstelsel maak korte mette met dié probleem, Beeld, 31 Oktober 2002
Eksterne skakels wysig
Wikimedia Commons het meer media in die kategorie Keermuur.
