Springbok Nude Girls

Springbok Nude Girls is 'n Suid-Afrikaanse musiekgroep wat in Stellenbosch tot stand gekom het. Die groep is genoem na die vrouemodelle wat op die omslae gepryk het van 'n reeks versamellangspeelalbums van top-40-treffers, bekend as die Springbok Hit Parade-albums. Die modelle was karig geklee en ietwat skokkend in die Calvinistiese klimaat van Suid-Afrika in die 1970's.

Springbok Nude Girls
Ook bekend as	Nudies, Nude Girls
Genres	Pop-rock
Jare aktief	1994 — 2001 2006 — hede
Etikette	Epic, Sony Music, Golden Fairy, SonyBMG
Webwerf	www.springboknudegirls.co.za
Lede	Arno Carstens Francois Kruger Theo Crous Arno Blumer Adriaan Brand

Die groep se eerste konsert (gig) was in September 1994 in Stellenbosch en alle kaartjies is uitverkoop. Destyds was die Suid-Afrikaanse musiektoneel besig om te transformeer, net soos die res van Suid-Afrika ná apartheid. Die groep het musiektoere deur die wêreld onderneem en 'n internasionale album in April 1999 in New York opgeneem. Hul sukses in Europa was beperk, maar dit het hulle nie daarvan weerhou om daar te toer nie. Die groep het in 2000 'n Suid-Afrikaanse musiektoekenning (SAMA) vir Beste Rockalbum met Surpass the Powers gewen.

Diskografie

• Neanderthal 1 (1995)
• It Became a Weapon (1996)
• be-vest@iafrica.com (1997)
• I Love You EP (1997)
• Afterlifesatisfaction (1997)
• Omnisofa (1998)
• Opti Mum (1998)
• Surpass the Powers (1999)
• Relaxzor (2000)
• The Fat Lady Sings - Best of the Springbok Nude Girls 1995-2001 (2001)
• Goddank vir klank 1994 - 2004 (2004)
• Nude Girls (2006, Britse uitgawe)
• Peace Breaker (2007)

Sien ook

• Lys van Suid-Afrikaanse musiekgroepe

Eksterne skakels

• Amptelike webwerf (en)