Staatsmeisjesschool

Die Staatsmeisjesschool is 'n geskiedkundige gebou geleë op die hoek van Visagie- en Prinsloostraat in Pretoria. Die gebou is deur die argitek Jacobus Klasing ontwerp en is tussen Oktober 1898 en Julie 1899 deur die bouaanemers Daanen en Dorlas gebou. Die skool is deur die Zuid-Afrikaansche Republiek opgerig om die Hoogere Meisjesschool wat in 'n huis in Skinnerstraat gehuisves is te vervang. Die skool sou in Oktober 1899 geopen geword het maar dit het as gevolg van die naderende Tweede Vryheidsoorlog nie gebeur nie en tydens die oorlog is dit as hospitaal gebruik. Na die oorlog is die gebou in 1902 weer as skool gebruik, die keer as die Girls' High School. Van 1946 af staan die skool bekend as die Hamilton Primary School.