Stapmotor
'n Stapmotor is 'n borsellose gelykstroom elektriese motor wat 'n volledige rotasie verdeel in 'n aantal gelyke stappe. Die posisie van die motor kan dan op bevel beweeg en gehou word by een van hierdie stappe sonder enige terugvoersensor, solank die regte motor vir die toepassing gekies is ten opsigte van wringkrag en spoed.
Beeld 1: Die boonste elektromagneet (1) word aangeskakel, dit trek die naaste tande van die rat-vormige rotor aan. Nou dat die tande in lyn is met elektromagneet (1), sal hulle effens 'n verplasing ten opsigte van elektromagneet (2) hê.
Beeld 2: Die boonste elektromagneet (1) word afgeskakel, en die regter elektromagneet (2) aangeskakel, wat die tande in lyn daarmee aantrek. In die voorbeeld draai dit die rotor 3.6°.
Beeld 3: Die onderste elektromagneet (3) word aangeskakel; 'n verdere 3.6° rotasie vind plaas.
Beeld 4: Die linker elektromagneet (4) word aangeskakel, 'n verdere 3.6° rotasie vind plaas.
