Sterilisasie
Sterilisasie is een van verskeie mediese metodes van geboortebeperking wat meebring dat ’n persoon nie kan voortplant nie. Metodes sluit chirurgiese én niechirurgies maniere in en geld vir mans én vroue. Sterilisasieprosedures is veronderstel om permanent te wees; dit is dikwels moeilik of onmoontlik om om te keer.
Daar is verskeie maniere om sterilisasie toe te pas, maar die twee algemeenstes is buisafbinding vir vroue en ’n vasektomie vir mans. Daar is baie maniere waarop buisafbinding gedoen kan word. Dit is uiters doeltreffend en gewoonlik is daar min komplikasies. Dit is egter ’n chirurgiese prosedure en hou steeds gevaar in. Daar is meer ernstige newe-effekte as met ’n vasektomie. Swangerskap ná ’n buisafbinding is steeds moontlik, selfs jare ná die prosedure.
In sommige gevalle kan sterilisasie omgekeer word, maar nie altyd nie. Dit kan wissel na gelang van die soort sterilisasie.[1]
Chirurgiese metodes wysig
Chirurgiese metodes sluit in:
- Buisafbinding vir vroue, waartydens die Fallopiusbuise, waardeur die sperma die eiersel bevrug en die bevrugte eier na die baarmoeder vervoer word, afgebind word.
- Vasektomie vir mans. Die saadbuise, wat die testikels met die prostaat verbind, word verwyder. Dit voorkom dat sperma, wat in die testikels vervaardig word, tydens ejakulasie die semen kan bereik wat veral in die seminale sakkies en prostaat vervaardig word. Die regte mediese term is vaatafbinding.
- Histerektomie vir vroue. Die baarmoeder word chirurgies verwyder, wat swangerskap en sekere siektes soos baarmoederkanker permanent voorkom.
- Kastrasie vir mans. Die testikels word chirurgies verwyder. Dit word veral vir diere gebruik, maar soms ook vir mense. Dit is voorheen soms om verskeie redes op seuns uitgevoer; sien eunug.
Verwysings wysig
Skakels wysig
Hierdie artikel is in sy geheel of gedeeltelik uit die Engelse Wikipedia vertaal.
