Steyn von Rönge
Steyn von Rönge (soms geskryf as Steyn van Ronge) is die president van die Afrikaner Weerstandsbeweging (AWB). Von Rönge was die onderleier van die AWB, maar het die leisels oorgeneem nadat Eugène Terre'Blanche, die vorige president, op 3 April 2010 op sy plaas vermoor is. Hy het voorheen waargeneem as leier van die AWB toe Terre’Blanche in die tronk was. Sy doelwitte is 'n sekuriteitsplan om boere te beskerm teen plaasaanvalle en die vestiging van 'n wit tuisland.
| Steyn von Rönge | |
 | |
Leier van die Afrikaner Weerstandsbeweging
| |
| Ampstermyn 2010 – tans | |
| Voorafgegaan deur | Eugène Terre'Blanche |
|---|---|
Persoonlike besonderhede
| |
| Gebore | 1955 |
| Politieke party | AWB |
| Kind(ers) | 1 seun en 2 dogters |
Von Rönge boer met beeste in die Zastrondistrik, in die Suid-Vrystaat. Hy het in 1988 by die AWB aangesluit.[1]
Terre'Blanche het na bewering die AWB-leierskap aan beide Von Rönge en Andre Visagie, die AWB se destydse sekretaris-generaal, beloof. Von Rönge kon egter bewys hiervan lewer met 'n faks, onderteken op 12 Maart 2010, met twee getuies waarin Eugene vra dat Van Ronge die leierskap oorneem tot hy van sy hartprosedure herstel het.[2]
Verwysings
wysig- ↑ Ontmoet die nuwe AWB leier Geargiveer 18 April 2010 op Wayback Machine, koerant.co.za, besoek op 6 April 2010.
- ↑ Steyn von Rönge, besoek op 16 Junie 2012