Stirling-kasteel
Stirling-kasteel (Engels: Stirling Castle), in Stirling, is een van Skotland se grootste en belangrikste kastele, uit ’n historiese en argitektoniese oogpunt. Dit lê bo-op Kasteelheuwel, wat deel uitmaak van die geologiese formasie Stirling Sill. Daar was van die vroegste tye af ’n fort hier omdat dit aan drie kante deur styl rotse omring word, wat dit maklik verdedigbaar gemaak het, en omdat dit geleë is by wat tot in die 1890's ’n strategiese plek was waar die Forthrivier oorgesteek kon word.
Die meeste van die hoofgeboue dateer van die 15de en 16de eeu. ’n Paar strukture uit die 14de eeu is oor, en ander geboue is uit die vroeë 18de eeu. Verskeie monarge van Skotland is hier gekroon, insluitende Maria, koningin van die Skotte, in 1542. Daar was in die geskiedenis minstens agt aanslae op die kasteel.
Dit is nou ’n toeriste-aantreklikheid wat deur die organisasie "Historic Scotland" bestuur word.
Eksterne skakels
wysig- Stirling Castle – Historic Scotland's website Geargiveer 15 Januarie 2018 op Wayback Machine
- Clan Stirling Online Geargiveer 8 Februarie 2005 op Wayback Machine, early images of Stirling Castle
Wikimedia Commons het meer media in die kategorie Stirling-kasteel.
Hierdie artikel is vertaal uit die Engelse Wikipedia
