Stootskraper

'n Stootskraper is 'n grondverskuiwingstoerusting (gewoonlik 'n kruiptrekker) toegerus met 'n groot metaalplaat (bekend as 'n lem) wat groot hoeveelhede materiaal op die grond kan verskuif. Dit word gebruik om grond, sand, puin, of enige ander materiaal gedurende konstruksie- of omsettingswerk weg te stoot, en is tipies aan die agterkant met 'n klou-agtige toestel (bekend as 'n skeurtand of "ripper") toegerus om digsaamgepersde materiaal los te maak.

'n Ou stootskraper van die First Tractor Company, op Xinbu-eiland, Hainan, China.

Stootskrapers kan gevind word op 'n wye verskeidenheid van plekke, myne en steengroewe, militêre basisse, swaarindustrie-fabrieke, padbouwerk, ingenieursprojekte en vir plaaswerk.

'n Caterpillar D10N stootskraper toegerus met 'n enkele skeurtand.

Die meeste stootskrapers is groot en kragtige rusperspoor swaar toerusting. Die spore gee hulle uitstekende grondhouvermoë en mobiliteit deur 'n baie rowwe terrein. Wye spore help om die stootskraper se gewig te versprei oor 'n groot gebied (verminderde gronddrukking), en voorkoming dus insinking in sanderige of modderige grond. Ekstra wye spore is bekend as moerasspore of LGP (lae gronddruk) spore. Stootskrapers het ratkasstelsels wat ontwerp is om voordeel te trek uit die spoorstelsel en bied uitstekende trekkrag.

As gevolg van hierdie eienskappe word stootskrapers dikwels gebruik in padbou, konstruksie, mynbou, bosbou, die skoonmaak van grond, die ontwikkeling van infrastruktuur, en enige ander projekte wat hoogs mobiele, kragtige en stabiele grondverskuiwingstoerusting benodig.

Eksterne skakels

• Wikiwoordeboek het 'n inskrywing vir stootskraper.

Hierdie artikel is in sy geheel of gedeeltelik vanuit die Engelse Wikipedia vertaal.