Stop-aansittegnologie
In motorvoertuie is 'n stop-aansitstelsel 'n stelsel wat die voertuig se binnebrandenjin afskakel en outomaties weer aansit, om die tydsduur wat die enjin luier te verminder, en sodoende brandstofverbruik en uitlaatgasse te verminder. Dit is die voordeligste vir voertuie wat 'n aansienlike hoeveelheid tyd spandeer om by verkeersligte te wag of gereeld moet stop in verkeersknope.
Hierdie funksie is tans in gebruik in hibriedelektriese voertuie, maar het ook verskyn in voertuie wat 'n hibriedelektriese dryfstelsel ontbreek. Vir nie-elektriese voertuie (genoem mikrohibriede) is brandstofverbruikwins uit hierdie tegnologie ongeveer 5 tot 10 persent.
By 'n handratkasvoertuig, word stop-aansit soos volg geaktiveer: Bring die voertuig tot stilstand en trap die koppelaarpedaal in – skuif die rathefboom na neutraal – los die koppelaar – die enjin sal dan self afskakel. Die enjin sal nie self afskakel as die motor nog beweeg nie, selfs al word die bogenoemde stappe gevolg. Die enjin skakel weer self aan wanneer die koppelaar ingetrap word voor 'n rat gekies word. Die enjin mag self aanskakel as daar 'n vraag na krag is van, byvoorbeeld, die lugreëlingstelsel.
| Hierdie artikel is in sy geheel of gedeeltelik vanuit die Engelse Wikipedia vertaal. |
