Suna Venter
Suna Venter (- 29 Junie 2017) was 'n Suid-Afrikaanse joernalis. Sy het as vervaardiger van aktuele sake by RSG onder uitvoerende vervaardiger Foeta Krige gewerk.[1] Venter is op 29 Junie 2017 dood in haar woonstel aangetref.[1][2][3][4] In die aanloop tot haar dood het sy onder verskeie pogings op haar lewe deurgeloop, is sy etlike male met doodsdreigemente geteister, en verskeie kere geïntimideer en geviktimiseer.[3][4][5]
Suna Venter | |
|---|---|
| Sterf | 29 Junie 2017 (op 32) |
| Nasionaliteit | Suid-Afrikaans |
| Beroep | Joernalis |
| Bekend vir | Slagoffer van geweld, SAUK 8 |
SAUK 8
wysigSuna Venter was een van agt joernaliste wat in Julie 2016 deur die SAUK afgedank is nadat hulle protes aangeteken het teen vermoedelike onregmatige inmenging in redaksionele beleid by die openbare uitsaaier.[1][2][3] Die ander betrokke joernaliste was Foeta Krige, Busisiwe Ntuli, Krivani Pillay, Jacques Steenkamp, Lukhanyo Calata, Vuyo Mvoko, en Thandeka Gqubule.[1]
Die SAUK het beweer dat hierdie joernaliste afgedank is omdat hulle die SAUK-bestuur se gesag ondermyn het en omdat hul wangedrag onhoudbaar geword het.[1][2]
Nadat die joernaliste 'n saak teen die SAUK in die arbeidshof aanhangig gemaak het, is sewe van hulle in hul poste heraangestel.[1][2][3]
Dood
wysigVenter is op 29 Junie 2017 dood in haar woonstel in Fairland, Johannesburg aangetref.[1][3] Sy was 32 jaar oud. Venter is voor haar dood gediagnoseer met die hartkwaal stres-kardiomiopatie, wat in die volksmond ook as gebreekte-hart-sindroom bekend staan, en wat deur trauma en lang tydperke van onnatuurlike stres veroorsaak word.[1][3] In die jaar wat op haar dood uitgeloop het, het sy onder meer talle dreigende SMS-boodskappe ontvang, is die remkabels van haar motor gesny, is haar motor se bande stukkend gesny, is daar op haar geskiet, is sy ontvoer, aan 'n boom vasgebind en is die gras rondom haar aan die brand gesteek, is sy in 'n aparte skietvoorval twee keer in die gesig geskiet,[2] drie keer aangerand, en het sy onder 'n aantal huisinbrake deurgeloop.[1][3] Haar naasbestaandes en familie is van mening dat hierdie voorvalle tot haar dood gelei het.[1]
Verwysings
wysig- ↑ 1,00 1,01 1,02 1,03 1,04 1,05 1,06 1,07 1,08 1,09 "Familie blameer skokgebeure vir joernalis se dood" (Nuusberig). Maroela Media. Geargiveer vanaf die oorspronklike op 3 Oktober 2018. Besoek op 29 Junie 2017.
- ↑ 2,0 2,1 2,2 2,3 2,4 "SAUK 8-joernalis Suna Venter oorlede" (Nuusberig). Maroela Media. Geargiveer vanaf die oorspronklike op 6 Februarie 2020. Besoek op 29 Junie 2017.
- ↑ 3,0 3,1 3,2 3,3 3,4 3,5 3,6 "Hartseer nuus: Joernalis Suna Venter oorlede" (Nuusberig). Sarie. Geargiveer vanaf die oorspronklike op 31 Augustus 2017. Besoek op 29 Junie 2017.
- ↑ 4,0 4,1 "SANEF LAUDS SUNA VENTER FOR HER BRAVERY IN BATTLE WITH SABC" (Nuusberig). EWN (in Engels). Geargiveer vanaf die oorspronklike op 3 Oktober 2018. Besoek op 29 Junie 2017.
- ↑ "SABC 8 journalist Suna Venter dies‚ aged 32" (Nuusberig). Times Live (in Engels). Geargiveer vanaf die oorspronklike op 3 Mei 2019. Besoek op 29 Junie 2017.