Superioniese geleiding
Superioniese geleiding is 'n vorm van elektriese geleiding waarby ione in 'n vaste stof, kristallyn of amorf, 'n uitsonderlik hoë beweeglikheid besit en die stof daardeur as 'n vaste elektroliet gebruik kan word.
Geskiedenis wysig
Vastestowwe het gewoonlik baie lae ioniese beweeglikheid. Hulle spesifieke ioniese geleibaarheid is nie meer as σ= 10-12 - 10-7 [S/cm]. Dit geld ook vir 'n verbinding soos AgI tot sy fase-oorgang van β-fase na die α-fase teen 147°C. In die hoëtemparatuurvorm is die geleibaarheid baie groter. In 1967 is ondek dat daar ander stowwe MAg4I5 (M=Rb, K, NH4) bestaan wat hierdie fenomeen ook besit. In al hierdie stowwe is die silwer+-ioon verantwoordelik vir die hoë beweeglikheid. In Na-β-alumina is dit egter die Na+-ioon. Die geleibaarheid is σ~ 10-1 [S/cm], meer as a miljoen maal hoër.[1]
Sedertdien is stowwe gevind waarin verskeie ander ione superioniese eienskappe besit, soos H+,Cu+,Li+,F- en O2-.
| Stof | Ioon | σ |
|---|---|---|
| α-AgI | Ag+ | 1,34 |
| RbAg4I5 | Ag+ | 2,1x10-1 |
| KAg4I5 | Ag+ | 2,1x10-1 |
| β-Ag3SI | Ag+ | 1,0x10-2 |
| KAg4I4CN | Ag+ | 1,8x10-1 |
| α-CuBr | Cu+ | 5,0 |
| α-CuI | Cu+ | 9,0x10-2 |
| LiTa3O4 | Li+ | 5,0x10-4 |
| Na2Ga2O4 | Na+ | 3,0x10-2 |