Swaminarayan
| Hierdie artikel is 'n weesbladsy. Dit is nie geskakel of in ander bladsye ingesluit nie. Help Wikipedia deur na moontlike teks te soek en 'n skakel hierheen te plaas. |
Dhanshyam Pandey, Swaminarayan of Sahjanand Swami (Gujarati: સ્વામિનારાયણ, 3 April 1781 – 1 Junie 1830) was die stigter en hoof van die Swaminarayan-denominasie van Hindoeisme. Die volgelinge van die Swaminarayan-denominasie glo dat hy 'n vorm van die almagtige is. Volgens die Bhagwat- en Sakand-poerana's (heilige Hindoe-tekste) is hy 'n inkarnasie van god. Die Shikshapatri, wat deur hom geskryf is, word deur die Swaminarayan-denominasie as 'n heilige teks beskou. Hy word ook as 'n hervormer van die Hindoe-geloof beskou omdat hy teen die kastestelsel, diere-offers en die ongelyke behandeling van vroue gestaan het. Hy het ook 'n goeie verhouding met die Britse Raj van Indië gehad. Sy volgelinge sluit Hindoes, Moslems en Zoroastriane in.
In Suid-Afrika is daar 'n teenwoordigheid van die Swaminarayan-denominasie omdat daar baie Gujarati-sprekende volgelinge van Swaminarayan is wat na die land as vrywillige entrepreneurs geïmmigreer het.