Swanesang
'n Swanesang is die laaste werk van 'n musikus of digter. Ook die laaste toespraak van 'n politikus word dikwels as 'n swanesang beskryf. 'n Swanesang kan ook 'n swanelied genoem word (by onder andere Gottfried August Bürger, Clemens Brentano en Hedwig Dohm). Die laaste werksiklus van Heinrich Schütz uit sy sterwensjaar, 1672, heet Schwanengesang (Swanesang, SWV 482-494). Franz Schubert se laaste liederesiklus is ná sy dood onder die titel Schwanengesang saamgestel.
Die uitdrukking stam van 'n ou Griekse mite af wat aan Apollo gewy is en lui dat swane voor hul dood nog een keer met treurige, dog pragtige stemme, 'n laaste lied sing.
