'n Sweep is 'n instrument wat tradisioneel gebruik word deur mense om beheer oor diere of ander mense uit te oefen, deur pyn nakoming of vrees vir pyn. In sommige aktiwiteite kan swepe gebruik word sonder om pyn te veroorsaak, soos 'n bykomende drukhulp tydens dresseer met skouperde.

Korrekte houding met 'n sweep op 'n perdekar

Soorte wysig

Daar bestaan oor die algemeen twee tipes swepe, óf 'n vaste stoksweep ontwerp om direk te slaan, of 'n buigsame sweep wat op 'n spesifieke manier geswaai moet word om doeltreffend te wees, maar met 'n langer reik. Daar is ook swepe wat 'n stewige stok (die handvatsel) en 'n buigsame lyn (die wimper of riem) kombineer, soos die jagsweep.

Daar is kort handswepies vir perderuiters en hondehanteerders, langer swepe vir perdekarre en dan groot swepe vir 'n span osse, wat natuurlik veel langer is.

Lyfstraf wysig

Die meeste swepe word ontwerp vir gebruik op diere, hoewel swepe soos die "kat-met-nege-sterte" en die "knoet" spesifiek ontwerp is vir die geseling van 'n mens en as 'n middel van lyfstraf of marteling. 'n Sweep kan op jouself gebruik word as deel van 'n godsdienstige praktyk, of op toestemmende persone tydens BDSM-erotiese aktiwiteite.

Die sweep is gebruik in die Middeleeue en selfs in die vroeë moderne tydperk, soos die Bamberg-marteling in Europa, onder die dekmantel van die dissiplinering van werkspanne. In die 19de eeu is slawe in die VSA mishandel met swepe. In die 20ste eeu is sweephoue wêreldwyd gebruik deur diktature vir die marteling van aangehoudenes of geïnterneerde teenstanders van 'n regime.

In die meeste Islamitiese lande word sweephoue as deel van lyfstraf in tronke gebruik. So, byvoorbeeld, is die Iranse Sakineh Mohammadi Ashtiani gevonnis tot 99 houe en die Saoedi-blogger Raif Badawi tot 600 houe.


Eksterne skakels wysig

Hierdie artikel is in sy geheel of gedeeltelik vanuit die Engelse Wikipedia vertaal.